މޫސުމަށް އަންނަ ބަދަލުތަކާ ގުޅުވައިގެން ފަލަސްތީނަށް ތާއީދުކުރާ ފަރާތްތަކުން އިޓަލީގެ މިލާންގައި ބާއްވާފައިވާ އެއްވުމެއްގައި ސްވިޑެންގެ އެކްޓިވިސްޓް ގްރެޓާ ޓަންބަރގް ބައިވެރިވެއްޖެއެވެ. މީގެ ކުރިން އޭނާ ވަނީ ޖަރުމަންވިލާތުގައިވެސް އެފަދަ މުޒާހަރާއެއްގައި ބައިވެރިވެފައެވެ. އަދި ޖަރުމަން ފުލުހުން އެ މުޒާހަރާއިން އޭނާ ހައްޔަރު ކުރިއެވެ.
މޫސުމަށް އަންނަ ބަދަލުތަކާ ބެހޭ ހޭލުންތެރިކަމަށް އެހީތެރިވެދޭ، ފްރައިޑޭސް ފޯ ފިއުޗާ އިން އިންތިޒާމްކުރި ހިނގާލުމުގައި މިލާންގެ 1،000 އަށް ވުރެ ގިނަ މީހުން ބައިވެރިވި އެވެ. އޭގެ ތެރެއިން ގިނައީ ފުރާވަރަށް އަރާ ވީހުގެ އަހަރުތަކުގެ ޒުވާނުންނެވެ.
ފަލަސްޠީނުގެ ފޮށާއަޅައިގެން ތަންބަރގް ދިޔައީ އެންމެ ކުރީ ސަފުގައި ހުރެގެން ނެވެ. މުޒާހަރާގެ ބައިވެރިން ފަލަސްޠީނުގެ ދިދަ އުފުލަމުން ދިޔައެވެ. އަދި، ބެނާތައް ހިފައިގެން، މިއުޒިކަށް ނަށަމުން ދިޔައެވެ.
"ނަސްލީ ތަފާތު ކުރުމުގެ ވެރިކަމެއް ދަނީ ހިންގަމުން. ފަލަސްތީނުގެ ރައްޔިތުން ކޮށިއަރުވާލާފައިވާ އަނިޔާވެރިކަމުގެ ދަށުގައި އުޅެމުން އަންނަތާ ހަތްދިހަ އަހަރު ވެއްޖެ، އަދި އިޒްރޭލުން ލައިވް ކޮށް ބްރޯޑްކާސްޓް ކުރަމުންދާ ނަސްލު ނައްތާލުމުގެ ޖަރީމާތަކާއެކު މިދިޔަ އަހަރުގެ ތެރޭގައި ފަލަސްޠީނުގެ އެތައް ފުރާނައެއް ވަނީ ދުނިޔެ ދޫކޮށްލާފައި،" އުމުރުން 21 އަހަރުގެ ޒުވާނާ ދެއްކި ވާހަކައިގައި ބުންޏެވެ.
