ފަލަސްޠީނުގައި އިންދާފައިވާ ޒަޔަނިސްޓު ނިޒާމާއެކު ބާއްވަމުން ދިޔަ ސިޔާސީ ގުޅުން ނިކަރާގުއާއިން ކަނޑާލައިފިއެވެ. ނިކަރާގުއާގެ ސަރުކާރުން އިޒްރޭލު ސިފަކޮށްފައިވާ "ފެޝީސްޓް" އަދި "ޖެނޮސިޑަލް" ނިޒާމެއް ކަމަށެވެ.
ނިކަރާގުއާގެ ސަރުކާރުން ނެރުނު ބަޔާނެއްގައި ބުނެފައިވަނީ ޒަޔަނިސްޓުންނާ ގުޅުން ކަނޑާލީ ފަލަސްތީނުގެ ސަރަހައްދުތަކަށް ޒަޔަނިސްޓު ސިފައިން ހިންގަމުން ދެމުންދާ ޤަތުލުއާންމުގެ ހަމަލާތަކުގެ ސަބަބުން ކަމަށެވެ. ނިކަރާގުއާގެ ވެރިރަށް މަނަގުއާގައި ޕާލަމެންޓުން ވަނީ ފަލަސްޠީނުގެ މިނިވަންކަމުގެ ހަނގުރާމައަށް އަހަރު ފުރުމާ ގުޅުގެން ފަލަސްޠީނަށް ތާއީދުކޮށް ގަރާރެއް ނެރެފައެވެ.
ނިކަރާގުއާ ސަރުކާރުން ބުނަނީ، ޒަޔަނިސްޓުންގެ އުދުވާން "ލުބުނާނަށް ފެތުރި، ސީރިއާ، ޔަމަނާއި އީރާނަށް ވަރަށް ބޮޑު ނުރައްކަލަށް ވެފައިވާ ކަމަށް" އެވެ.
ނިކަރާގުއާގެ ރައީސް ޑެނިއަލް އޮރްޓެގާއަކީ އީރާންގެ ރަޙުމަތްތެރިއެކެވެ. އޭނާއަކީ ސެންޑޭނިސްޓާ ހަނގުރާމަވެރިންނާއެކު ސީއައިއޭއާއި އެމެރިކާއާ ދެކޮޅަށް ރޮނަލްޑް ރޭގަންގެ ވެރިކަމުގައި ގެރިއްލާ ހަނގުރާމައެއް ކުރައްވައި އެމެރިކާ ގިއްގަޅުވާލި ލީޑަރެވެ. އެމެރިކާއިން އޮތީ ނިކަރާގުއާ އެކަހެރިކޮށްފައެވެ.
