ޣައްޒާގެ ޖަބަލިއާ ކޭމްޕްގައި އެތައް ހާސް ބަޔަކު ތާށިވެފައި ތިބިއިރު، ޒަޔަނިސްޓު ސިފައިން އެ ސަރަހައްދަށް ހަމަލާދީފައިވާ ކަމަށް ޑޮކްޓަރސް ވިތައުޓް ބޯޑާސް (އެމްއެސްއެފް) އިން ބުނެފި އެވެ. ހުކުރު ދުވަހުގެ ރޭ ދަންވަރު ޖަބަލިއާގައި ޒަޔަނިސްޓުން ދިން ޓެރަރިސްޓް ހަމަލާތަކުގައި ފަލަސްތީނުގެ 20 މީހަކު ޝަހީދުވެ ދިހަވަރަކަށް މީހުން ޒަޚަމްވެފައިވާ ކަމަށާއި އެ ހަމަލާތަކުގެ ސަބަބުން ކައިރީގައި ހުރި ހަތަރު ގެއަކަށް ވެސް ގެއްލުން ލިބިފައިވާ ކަމަށް ޑޮކްޓަރުންގެ ޖަމުއިއްޔާއިން ބުނެއެވެ. ޝަހީދުވެފައިވާ މީހުންގެ އަދަދު އިތުރުވުން އެކަށީގެންވާ ކަމަށް ވެސް ބުނެއެވެ.
ޒަޔަނިސްޓުންގެ ޓެރަރިސްޓް ޙަމަލަތަކުގައި ޣައްޒާގެ އެކި ހިސާބުތަކުގައި ފަލަސްތީނުގެ 61 މީހަކު ޝަހީދުކޮށްފައި ވެއެވެ. ޝަހީދުކޮށްފައިވާ މީހުންގެ ތެރެއިން ގާތްގަނޑަކަށް ދެބައިކުޅަ އެއްބައި މީހުންނަކީ ޖަބާލިއާ ރެފިއުޖީންނެވެ.
ފަލަސްތީނުގެ ރަސްމީ ނޫސް އެޖެންސީ ވަފާއިން މެޑިކަލް މަސްދަރުތަކާ ހަވާލާދީ ބުނީ ހަމަލަތައް ދީފައިވަނީ ފަސްތިސް ނަމާދުގެ ވަގުތުގައެވެ. އަދި ހަމަލަ އަމާޒުކޮށްފައިވަނީ ސްކޫލު އިމާރާތަކަށް ކަމަށެވެ.
