ލުބުނާންގައި ސުލްހަ ބަލަހައްޓާ އދގެ ލަޝްކަރު ޔުނިފިލްގެ ފަސްވަނަ މީހަކަށްވެސް އިޒްރޭލުން ބަޑިން ހަމަލަ ދީފިއެވެ. އިޒްރޭލުން ވަނީ ޙަމަލަ ދިން ކަން ޔަގީން ކޮށްދީފައެވެ. އިޒްރޭލުން ބުނެފައި ވަނީ ނުރައްކަލެއް އިހުސާސް ކުރެވުމުން ބަޑީގެ ހަމަލައެއް ދިނީ ކަމަށެވެ.

އޮޕަރޭޝަން ކުރުމަށްފަހު ޒަޔަނިސްޓު ޓެރަރިސްޓް ސިފައިންގެ ޙަމަލާ އަމާޒުވި މީހާ ގެ ގަޔަށް އަރާފައިވާ ވަޒަން ނަގާފައިވާ ކަމަށާއި އޭނާގެ ހާލު ރަނގަޅު ކަމަށް ޔުނިފިލްއިން ބުނެއެވެ.

ޔުނިފިލް އިން ބުނެފައި ވަނީ އިޒްރޭލުން ޙަމަލަ ދިން ކަމުގައިވިއަސް އދ ސިފައިން އެމީހުން ތިބި ތަން ހުސްކޮށްފައި ނުދާނެ ކަމަށެވެ. އިޒްރޭލުން އެދިފައި ވަނީ ޔުނިފިލްގެ ސިފައިން ފަސް ކިލޯ މީޓަރު ފަހަތަށް ޖެހުމަށެވެ. ނަމަވެސް އދގެ ދިދަ އެހިސާބުގައި ވިހުރިފައި، އެހިސާބުގައި ހިނގަމުންދާ ކަންތައްތައް އދގެ ސަލާމަތީ މަޖިލީހަށް ރިޕޯޓު ކުރުމަށް ޔުނިފިލް އެތާގައި ތިބުމަކީ މުހިންމު ކަމެއް ކަމަށް ޔުނިފިލް އިން ބުނެއެވެ.

އދގެ ސަލާމަތީ މަޖިލީހުގެ 1701 ގަރާރުން އުފައްދާފައިވާ ޔުނިފިލްގައި 40 ޤައުމަކުން ސިފައިން ބައިވެރި ކުރެއެވެ. މި 40 ޤައުމުންވެސް ވަނީ އިޒްރޭލު ކުށްވެރިކޮށް ބަޔާނެއް ނެރެފައެވެ.

އިތުރު ލިޔުންތައް