އިނގިރޭސިވިލާތުގެ އެންމެ މަޤްބޫލު އެއް ނޫސް ކަމަށްވާ ޓެލެގްރާފް ނޫސް ގަތުމަށް ޔަހޫދީންގެ ބަޔަކު މަސައްކަތް ފަށައިފިއެވެ. ޓެލެގްރާފް މީޑިއާ ގްރޫޕުން ހިންގާ، ޓެލެގްރާފް ނޫސް ގަތުމަށް މަސައްކަތް ކުރަމުން ދަނީ ޑޮވިޑް އެފްއުން ނަމަކަށް ކިޔާ ޔަހޫދީ ނޫސްވެރިއެކެވެ. އޭނާ އަކީ ޔަހޫދީންގެ މައްސަލަތަކަށް ލިޔެއުޅޭ ނިއުޔޯރކް ސަން ކުންފުނީގެ ވެރިޔާއެވެ.
ޓެލެގްރާފް ނޫސް ވިއްކަން އުޅުމުން އެނޫސް ގަތުމަށް ދިމާކުރީ، އަބޫދާބީގެ އިންވެސްޓްމެންޓް ފަންޑަކުންނެވެ. ނަމަވެސް އިނގިރޭސި ސަރުކާރުން ވަނީ އެފަރާތަށް އެނޫސް ވިއްކުމަށް ދެކޮޅު ހަދާފައެވެ. އެއަށްފަހު އެނޫސް ގަންނާނެ ފަރާތެއް ހޯދުމަށް ކުރި މަސައްކަތުގައި އެފްއުން އިންވެސްޓަރުންތަކެއް ހޯދައިގެން ނޫސްގަތުމަށް ނިންމީ ކަމަށް ޔޫކޭގެ ފައިނޭންޝަލް ޓައިމްސްއިން ރިޕޯޓު ކުރެއެވެ.
2024ގައި ޔޫކޭގެ އެންމެ މަޤްބޫލު ވެބްސައިޓަކަށް ހޮވާފައިވާ ޓެލެގްރާފް ގަތުމަށް ހަމަޖެހިފައި ވަނީ 500 މިލިއަން ޕައުންޑު (11 ބިލިއަން ދިވެހި ރުފިޔާ) އަށެވެ.
