ލުބްނާނާއި ފަލަސްތީނުގެ ދިފާއުގައި ޖިހާދު ކުރަމުން އަންނަ ހިޒްބުﷲ ޖަމާއަތުން މިރޭ ދިން ޑްރޯން ހަމަލާއެއްގައި ޒަޔަނިސްޓް އިޒްރޭލުގެ 3 ސިފައިން މަރާލައި 67 މީހުން ޒަޚަމް ކޮށްލައިފިއެވެ.
ހިޒްބުﷲ އިން ޑްރޯން ހަމަލާދިނީ ގޮލާނީ އުސްބިންތަކުގައި ޒަޔަނިސްޓް ސިފައިން ތަމްރީން ކުރަން ހަދާފައިވާ ޓްރެއިނިން ބޭސްއަކަށެވެ.
ހިޒްބުﷲ ގެ ޑްރޯން ހަމަލާ އަމާޒުވެ އިޒްރޭލުގެ 3 ސިފައިންނާއި ގިނަ އަދަދެއްގެ އާންމުންނަށް ސީރިއަސް ޒަޚަމްތަކެއް ލިބިފައި މިވަނީ އިޒްރޭލުގެ ދިފާއުގައި އެމެރިކާއިން "ތާޑް" ޑިފެންސް ސިސްޓަމް ބޭނުން ކުރަން ފެށިތާ 24 ގަޑިއިރުވެސް ނުވެ އުޅެނިކޮށެވެ. ޒަޔަނިސްޓް އިޒްރޭލުގެ އަސްކަރިއްޔާއިން ބުނީ ޑިފެންސް ސިސްޓަމްތަކުގެ ރާޑަރަށް ހިޒްބުﷲ ގެ ޑްރޯން ފާހަގަ ކުރެވިފައި ނުވާ ކަމަށެވެ.
ހިޒްބުﷲ އިން ބުނެފައި ވަނީ ޣައްޒާގައި އިޒްރޭލުން ކުރިއަށްގެންދާ ޤަތުލް އާންމު ހުއްޓާލަން އެއްބަސްވުމުން ނޫނީ އެޖަމާއަތުން އިޒްރޭލަށް ދެމުން އަންނަ ހަމަލާތައް ހުއްޓާނުލާނެ ކަމަށެވެ.
