މުމްބާއީ އިން ނިއުޔޯކަށް ފުރައިގެން ދިޔަ އެއާ އިންޑިއާގެ ފްލައިޓަށް ބޮމުގެ އިންޒާރެއް ދިނުމުން ކުއްލިއަކަށް ދިއްލީ އެއާޕޯޓަށް އަނބުރައި ޖައްސައިފިއެވެ.
ނިއުޔޯކުގެ ޖޯން އެފް ކެނެޑީ އިންޓަނޭޝަނަލް އެއާޕޯޓަށް ދަތުރުކުރި ބޯޓު ދިއްލީގެ އިންދިރާ ގާންދީ އިންޓަނޭޝަނަލް އެއާޕޯޓަށް އަނބުރައި ޖެއްސުމާއެކު އެ އެއާޕޯޓުގައި ސެކިއުރިޓީ ޕްރޮޓޮކޯލްތަކެއް ތަންފީޒު ކުރަން ފަށާފައި ވެއެވެ. ދިއްލީއަށް ޖެއްސުމަށްފަހު ހުރިހާ ފަސިންޖަރުން ވެސް ވަނީ ސަލާމަތުން ބޯޓުން ބާލާފައެވެ.
މިދިޔަ މަހު މުމްބާއީން ފްރެންކްފަރޓަށް ދަތުރުކުރި ވިސްޓާރާ ފްލައިޓެއްވެސް، ބޮމުގެ އިންޒާރަކާ ގުޅިގެން ތުރުކީއަށް ޑައިވަރޓް ކޮށްފައިވެއެވެ.
