ޓައިވާން ކައިރީގައި ހަނގުރާމައިގެ ތަމްރީނުތަކުގެ އާ ބުރެއް ޗައިނާ ސިފައިން ފަށައިފިއެވެ. އެއީ "ޓައިވާންގެ މިނިވަން ކުރަން މަސައްކަތް ކުރާ ފަރާތްތަކަށް" އިންޒާރެއް ކަމަށް ޗައިނާ ބަހުންނާއި އިނގިރޭސި ބަހުން ނެރުނު ބަޔާނެއްގައި ޗައިނާއިން ބުނެފައި ވެއެވެ. ޓައިވާނާއި އެމެރިކާއިން ވަނީ ޗައިނާގެ ތަމްރީނުތައް ކުށްވެރިކޮށްފައެވެ.
ޗައިނާއިން ދެކޭ ގޮތުގައި ޓައިވާނަކީ، ޗައިނާގެ ބާޣީ ޕްރޮވިންސެކެވެ. މިދިޔަ ހަފްތާގައި ޓައިވާންގެ ރައީސް ލައި ޗިންގްޓޭ ވަނީ ގައުމީ ދުވަސް ފާހަގަ ކުރުމުގެ ތެރޭގައި ޓައިވާނުން އަސްކަރީ ތަމްރީނުތަކަށް ފާރައަށް އޮންނާނެ ކަމަށް ވިދާޅުވެފައެވެ. އަދި ޗައިނާއަށް ޓައިވާން ތަމްސީލު ކުރުމުގެ ހައްޤެއް ނެތް ކަމަށް ވިދާޅުވެފައެވެ.
ޗައިނާއިން ވަނީ ލައިގެ ތަޤްރީރަކީ ވަކިވެގަތުމަށް ހިތްވަރު ދިނުމުގެ ޢަމަލެއް ކަމުގައި ސިފަ ކޮށްފައެވެ.
ޗައިނާ ސިފައިންގެ އިރުމަތީ ތިއޭޓަރ ކޮމާންޑުން ބުނީ "ޖޮއިންޓް ސްވޯޑް-2024ބީ" ޑްރިލްތައް ކުރިއަށް ގެންދަނީ ޓައިވާން ކަނޑުއޮޅީގައާއި ޓައިވާންގެ އުތުރާއި ދެކުނާއި އިރުމަތީ ސަރަހައްދުތަކުގައި ކަމަށެވެ. މި ތަމްރީނުތައް ނިމޭނީ ކޮން އިރަކު ކަމެއް ބުނެފައެއް ނުވެއެވެ.
