ސްމާޓް އޮން ކްރައިމް އަކީ 2009ގައި ކަމެލާ ހެރިސް ލިޔުއްވި ފޮތެވެ. އޭނާގެ ފޮތުގައި ބައެއް އެހެން ފަރާތްތަކުން ލިޔެފައިވާ ލިޔުންތައް ނަކަލުކޮށްފައިވާ ކަމަށް ތުހުމަތު ކޮށްފައި ވުމުން، މީޑިއާއިން ދަނީ އެކަންކަން ރިޕޯޓު ކުރަމުންނެވެ.
ކްރިސްޓޮފާ ރޫފޯއަކީ މިފަދަ ކަންކަން ބޭޒާރުކޮށްލާ އެކްޓިވިސްޓެކެވެ. އޭނާ ބުނާ ގޮތުން ހެރިސް ވަނީ، އެސޯސިއޭޓެޑްގެ ޕްރެސްގެ ޕްރެސްރިލީޒަކާއި، ޖޯން ޖޭ ކޮލެޖު އޮން ކްރިމިނަލް ޖަސްޓިސްގެ ޕްރެސް ރިލީޒެއްގެ ބައިތައް އޭނާގެ ފޮތުގައި ހިމަނުއްވާފައެވެ. އަދި މިވާހަކައިގެ ތެދު ދޮގު ބެލި ނޫސްވެރިންވެސް ބުނެފައި ވަނީ މިކަން ކަށަވަރު ކޮށްދީފައެވެ.
އެމެރިކާގެ ނާއިބް ރައީސް ވަނީ އެހެން މީހުންގެ ލިޔުންތައް ކޮމާ ކޯޅިއެއް ބޭނުން ކުރެއްވުމަކާއި ނުލައި އަމިއްލަ ލިޔުންތަކެއްގެ ގޮތުގައި ހިމަނުއްވާފައެވެ.
ހެރިސްގެ ކެމްޕޭން މެނޭޖަރުން ބުނަނީ، އެއީ، ޓްރަމްޕްގެ ސަޕޯޓަރުން ގޮތް ހުސްވެގެން ދައްކާ ތާކުންތާކު ނުޖެހޭ ވާހަކަތައް ކަމަށެވެ.
