ދުނިޔޭގައި ދަރަނިވެރި ނުވަނީ ކޮން ޤައުމެއް ހެއްޔެވެ؟ ޤައުމީ އުފެއްދުމުގެ ނިސްބަތުން، ޖަޕާނުގެ ދަރަންޏަނީ ދުނިޔޭގެ އެންމެ ބޮޑު ދަރަންޏެވެ.
ޖަޕާނުގެ ޤައުމީ އުފެއްދުންތެރިކަމުގެ ނިސްބަތުން 252 ޕަސެންޓަށް ޖަޕާނުގެ ދަރަނި އަރާފައި ވެއެވެ.
ޤައުމީ އުފެއްދުންތެރިކަމުގެ ނިސްބަތުން:
- އެމެރިކާގެ ދަރަންޏަކީ، 134 ޕަސެންޓެވެ.
- ޗައިނާގެ ދަރަނީގެ ނިސްބަތަކީ، 110 ޕަސެންޓެވެ.
- ވިލާތު އިއްތިހާދުގެ ދަރަނީގެ ނިސްބަތަކީ، 83 އިންސައްތަ އެވެ.
- އެފްރިކާގެ ޤައުމުތަކުގެ ދަރަނީގެ ނިސްބތަކީ 52 އިންސައްތައެވެ.
ދުނިޔޭގެ ޤައުމުތަކުގެ ދަރަނި މިއަހަރު ފުރަތަމަ ފަހަރަށް 100 ޓްރިލިއަން ޑޮލަރަށް ވުރެން އިތުރުވާނެ ކަމަށް އިންޓަރނޭޝަނަލް މަނިޓަރީ ފަންޑުން ބުނެއެވެ. 2030 އަންނަ އިރު ޤައުމުތަކުގެ ދަރަނި ދުނިޔޭގެ ޖީޑީޕީގެ 100 އިންސައްތައަށް އަރާނެއެވެ.
އައިއެމްއެފްގެ މި ރިޕޯޓު ޝާއިއުކޮށްފައި ވަނީ އެމެރިކާގެ ރިއާސީ އިންތިޚާބާ ދިމާކޮށެވެ. ދެ ޕާޓީން ކުރިމަތިލާފައިވާ ކެންޑިޑޭޓުން ގެންދަވަނީ ރުހުން ހޯއްދެވުމަށް ޓެކްސްތަކެއް މަޢާފް ކުރައްވާނެ ކަމަށް ވިދާޅުވަމުންނެވެ. މިކަމުގެ ސަބަބުން އެމެރިކާ ބަޖެޓު އިތރަށް ދަރަނިވެރިވާނެ ކަމަށް ލަފާ ކުރެވެއެވެ. އެމެރިކާގައި މިހާރުވެސް ޤައުމީ އުފެއްދުންތެރިކަމުގެ ނިސްބަތުގެ 6.5 އިންސައްތައަށް ބަޖެޓު ދަރަނިވެރި ވެފައި ވެއެވެ.
