އެމެރިކާ މީހުން އެމީހުންގެ މީޑިއާއަށް އިތުބާރު ނުކުރާކަން ގެލޮޕްއިން ހެދި ދިރާސާއަކުން ދައްކައިފިއެވެ. ޓީވީއާއި ރޭޑިއޯ އަދި ނޫސްތަކުން ގެނަސްދޭ ޚަބަރުތަކަށް އިތުބާރުނުކުރާ ކަމަށް 69 އިންސައްތަ މީހުން ބުނެއެވެ. އެމެރިކާ މީހުން މީޑިއާއަށް އިތުބާރެއް ނެތްކަމަށް ބުނާތާ މިހާރު ޖައްސަޖައްސައިގެން 3 އަހަރު ވެއްޖެއެވެ.
ގެލޮޕުން ތައްޔާރު ކުރި ޚިޔާލު ހޯދުމުގައި މީހުންނާ ސުއާލުކޮށްފައި ވަނީ އެމެރިކާގެ މަދަނީ 10 މުއައްސަސާއަށް އިތުބާރު ކުރާ މިންވަރާ ބެހޭ ގޮތުންނެވެ. މީޑިއާއަކީ ޚިޔާލު ހޯދުމުގައި ފާހަގަ ކުރި އެއް މުއައްސަސާއެވެ.
މީޑިއާއާ އެއްވަރަކަށް އެމެރިކާ މީހުން އިތުބާރު ނުކުރާ އަނެއް މުއައްސަސާއަކީ، އެމެރިކާގެ ގާނޫނުހަދާ މަޖިލީހެވެ. 66 އިންސައްތަ މީހުން ބުނެފައި ވަނީ ކޮންގްރެސްއަށް އިތުބާރެއް ނެތް ކަމަށެވެ.
އެމެރިކާ މީހުންނަށް އެމީހުންގެ ރައީސުލްޖުމްހޫރިއްޔާއަށާއި ސުޕްރީމް ކޯޓަށްވެސް އިތުބާރެއް ނުކުރެވެއެވެ.
އެމެރިކާގެ ރައީސް އޮފީހަށް އިތުބާރު ކުރާ ކަމަށް ބުނެފައި 40 އިންސައްތަ މީހުންނެވެ. އަދި ސުޕްރީމް ކޯޓަށް އިތުބާރު ކުރާ ކަމަށް ބުނެފައި ވަނީ 48 އިންސައްތަ މީހުންނެވެ.
