ޝަންހާއީ ކޯޕަރޭޝަން އޯގަނައިޒޭޝަންގެ ވެރިންގެ 23 ވަނަ ބައްދަލުވުމުގެ ކުރިން ޕާކިސްތާނުގެ ބޮޑުވަޒީރު ޝެހްބާޒް ޝަރީފު އިންޑިއާގެ އެކްސްޓާނަލް އެފެއާޒް މިނިސްޓަރު އެސް ޖައިޝަންކަރާ ބައްދަލު ކުރައްވައިފިއެވެ. މި ބައްދަލު ކުރެއްވުން އޮތީ، ޝަރީފް އިންތިޒާމު ކުރެއްވި ރޭގަނޑުގެ ފަރިއްކޮޅުގެ ކުރިންނެވެ. ދެ ބޭފުޅުން ވަނީ އަތާއި އަތްޖޯޑު ކުރައްވައި ސަލާން ކުރައްވައި ވަގުތު ކޮޅެއް ހޭދަ ކުރައްވާފައެވެ.
ޖައިޝަންކަރު އިސްލާމްއާބާދަށް ފައިބައި ވަޑައިގެންނެވިއިރު، ނޫރު ޚާން އެއާބޭސްގައި އޭނާއަށް ހޫނު މަރުހަބާއެއް ދެންނެވުނެވެ. ޖަޔަޝަންކަރު އިސްތިޤްބާލު ކުރެއްވީ، ޕާކިސްތާން ޚާރިޖިއްޔާގެ ޑިރެކްޓަރު ޖެނެރަލް (ދެކުނު އޭޝިއާ) އިލްޔާސް މެހްމޫދު ނިޒާމީ އެވެ. އަދި ސަގާފީ ހެދުމުގައި ތިބި ކުޑަކުދިން ވަނީ ޖަޔަޝަންކަރަށް މާބޮނޑިއެއް ވެދުމަށް އަރުވާފައެވެ.
އެސްސީއޯގެ ވެރިންގެ 23 ވަނަ ބައްދަލުވުން ފަށާނީ ބުދަ ދުވަހުއެވެ. އެސްސީއޯގެ 23 ވަނަ ބައްދަލުވުމުގައި އިންޑިއާގެ ވަފުދުގެ އިސްވެރިއަކަށް ހުންނާނީ ޖައިޝަންކަރު އެވެ.
