ޒަޔަނިސްޓުންގެ ލީޑަރު އދއަށް ހަރާންކޯރު ނުވުމަށް ފްރާންސްގެ ރައީސް ގޮވާލައްވައިފިއެވެ. ފްރާންސްގެ ރައީސް އިމަނުއެލް މެކްރޮން ވިދާޅުވީ އިޒްރޭލު އުފައްދާފައި ވަނީ އދގެ ޤަރާރަކުން ކަން އިޒްރޭލު ބޮޑު ވަޒީރު ނަތަންޔާހޫ ހަނދާން ނައްތާލައިގެން ނުވާނެ ކަމަށެވެ.
ނަތަންޔާހޫ ވަނީ މެކްރޮން ބްލެކްލިސްޓު ކޮށް އޭނާއަކީ ޔަހޫދީ ނަސްލާ ދެކޮޅަށް މަސައްކަތް ކުރާ ވެރިއެއް ކަމަށް ލިސްޓު ކޮށްފައެވެ. އަދި މެކްރޮން ވަނީ، ޣައްޒާ އާއި ލުބުނާންގައި ޓެރަރިސްތް ހަމަލަތައް ދިނުމަށް ބޭނުން ކުރާ ހަތިޔާރު އެކްސްޕޯޓު ކުރުން ހުއްޓުމަކީ އިޒްރޭލުގެ އުދުވާނަށް ހުރަސް އެޅުމަށް އޮތް މުހިންމު ފިޔަވަޅު ކަމުގައި މިދިޔަ ހަފްތާގައި ވިދާޅުވެފައެވެ. އިޒްރޭލުން ކުރިއަށް ގެންދާ ޓެރަރިސްޓް ހަމަލާތަކުގައި ބޭނުންކޮށްފައި ވަނީ އެމެރިކާއިން ދީފައިވާ ހަތިޔާރެވެ.
"މިސްޓަރ ނަތަންޔާހޫ ހަނދާން ނައްތާލައިގެން ނުވާނެ، އޭނާގެ ގައުމު އުފެއްދީ އދ ގެ ގަރާރަކުން ކަން" މެކްރޮން ވިދާޅުވިއެވެ. "އެހެންވެ، މިއީ އދގެ ގަރާރުތައް ބޮލާލައި ޖަހަންވީ ވަގުތެއް ނޫން" އެލީޒޭ ޕެލެސްގައި އޮތް ސިއްރު ބައްދަލުވުމެއްގައި މެކްރޮން ވިދާޅުވިކަމަށް ނަން ނުޖެހުމަށް ޝަތުރުކޮށް އޭއެފްޕީއަށް ވާހަކަ ދެއްކި މަސްއޫލުވެރިއަކު ވިދާޅުވިއެވެ.
ޒަޔަނިސްޓު އިޒްރޭލަކީ އެމރިކާއިން ދޭ ހަތިޔާރު ބޭނުންކޮށްގެން ފަލަސްޠީނުގެ އާބާދީއާ ދެކޮޅަށް ހަނގުރާމައިގެ ޖަރީމާތައް ހިންގާ ފަރާތެވެ. އަދި އިޒްރޭލުން މަސައްކަތް ކުރަނީ މެދުއިރުމަތީގައި އިންދާފައިވާ ހުޅަނގުގެ ޕްރޮކްސީ ޓެރަރިސްޓު ޖަމާއަތެއްގެ ގޮތުގައެވެ.
އދގެ ސަލާމަތީ މަޖިލީހުގެ ގަރާރު 1701 ގައި ބުނެފައިވަނީ ލުބުނާނުގެ ދެކުނުގައި ހަރަކާތްތެރިވާން ޖެހޭނީ ހަމައެކަނި ލުބުނާނުގެ ސިފައިންނާއި އދ. ސިފައިން ކަމަށެވެ.
ނަތަންޔާހޫ ވަނީ، ލުބުނާނުގެ ދެކުނުގައި ހަރަކާތްތެރިވާ ފްރާންސްގެ 700 ސިފައިން ބައިވެރިވާ، 10،000 ސިފައިންގެ ލަޝްކަރު އެހިސާބުން ބޭރުވެގެން ދިއުމަށް އަންގާފައެވެ. އަދި ޔުނިފިލް ސިފައިންނާ ދެކޮޅަށް އެތައް ހަމަލައެއްވެސް ދީ އެތައް ބަޔަކު ޒަޚަމް ކޮށްލާފައެވެ.
