އެމެރިކާގެ ވާގިވެރިކަމާއެކު އިޒްރޭލުން އީރާނަށް ޙަމަލަ ދޭނެ އަމާޒުފަތްގަނޑުތައް ކަށަވަރު ކުރުމާ ގުޅިގެން އެމެރިކާއިން ބުރުސޫރަ ރީތިކޮށް އަރަބިންގެ ތާއީދު ހޯދުމަށް މަސައްކަތް ފަށައިފިއެވެ. މި ކަމުގައި އެމެރިކާއިން އަޅާ އެންމެ އިސް ފިޔަވަޅަކީ، ޣައްޒާގައި އިންސާނީ ޙާލަތު ރަނގަޅު ކުރުމަށް އިޒްރޭލަށް ގޮވާލުމެވެ.
ކުއްލި ގޮތަކަށް، އެމެރިކާގެ ޚާރިޖީ ވަޒީރާއި އެމެރިކާގެ ދިފާއީ ވަޒީރު ވަނީ ޣައްޒާގައި އިންސާނީ ޙާލަތު ރަނގަޅު ކުރުމަށް އިޒްރޭލަށް ގޮވާލައްވައި ސިޓީއެއް ފޮނުއްވާފައެވެ. ނޫންނަމަ، އަސްކަރީ އެހީ ލިބުމުގައި ދަތިތަކެއް ކުރިމަތި ވެދާނެ ކަމަށްވެސް ވިދާޅުވެފައެވެ!
"އަޅުގަނޑުމެން މިހާރު މި ލިޔަނީ ޣައްޒާގެ އިންސާނީ ހާލަތު ގޯސްވަމުންދާތީ އެމެރިކާ ސަރުކާރުގެ ބޮޑެތި ކަންބޮޑުވުންތައް ފާހަގަކުރަމުންނެވެ. މި ހާލަތު ފަހަނައަޅައި ދިއުމަށް ތިޔަބޭފުޅުންގެ ސަރުކާރުން މި މަހު އަވަސް އަދި ދެމެހެއްޓެނިވި ފިޔަވަޅުތަކެއް އަޅަން އަންގަމެވެ." އެމެރިކާގެ ސެކްރެޓަރީ އޮފް ސްޓޭޓް އެންޓޯނީ ބްލިންކެން އާއި ޑިފެންސް ސެކްރެޓަރީ ލޮއިޑް އޮސްޓިން ޒަޔަނިސްޓުންގެ ސަރުކާރަށް ލިޔުއްވާފައި ވެއެވެ.
މި ސިޓީއާ ބެހޭ ގޮތުން އެންމެ ފުރަތަމަ ރިޕޯޓުކޮށްފައި ވަނީ އިޒްރޭލުގެ ނިއުސް 12 އިންނެވެ. އަދި އެކްސިއޮސްއިން ވެސް މިކަން ކަށަވަރު ކޮށްދެއެވެ.
މިސިޓީގައި ހަވާލާ ދީފައި ވަނީ އެމެރިކާގެ އެހީ ދިނުމާ ބެހޭ ފޮރިން އެސިސްޓެންސް ގާނޫނުގެ 620 ވަނަމާއްދާގެ (އ) އަކުރަށެވެ. އޭގައި ބުނަނީ އެމެރިކާއިން ފޯރުވައިދޭ އިންސާނީ އެހީ ދިނުމަށް ހުރަސް އަޅާ ފަރާތްތަކަށް އެމެރިކާއިން ދޭ އެހީ ދިނުން ހުއްޓާލެވިދާނެ ކަމަށެވެ.
އެމެރިކާއިން ފަލަސްތީނާއި ލުބަނާނާއި ސޫރިޔާއާއި ޔަމަނުގެ މީހުން މަރަމުން މިކިޔަނީ ކީކޭ ހެއްޔެވެ.
ހުސް ހޮޅި. ތިފަދަ ޙީލަތުގައިި މުސްލިމުން ޖެހޭކަށް ނުފެނޭ. ތި މައްސަލާގައި ހައްތާވެސް ހުރީ ދޮގު މައްޗަށް ދޮގު ހަދާފައި. ނިޔަތް ރަނގަޅުނަމަ ވަގުތުން ޙަ.ަލާތައް ހުއްޓާލުމަށް އަމުރު ކުރުމަށާއި އެހީތައް ވަގުތުން ހުއްޓާލާނެ.