އެމެރިކާއިން ދީފައިވާ ހަތިޔާރު ބޭނުންކޮށްގެން، އިޒްރޭލުން ލުބުނާނުގެ ތާރީޚީ ސިޓީއެއް ސުންނާފަތި ކޮށްލައިފިއެވެ. ނަބާތިއްޔާ މަރުޖަޢުޔޫންގައި އޮންނަ މުހައިލިބްއަކީ، ބެއިރޫތާ ގާތްގަނޑަކަށް 115 ކިލޯމީޓަރު ދުރުގައި އޮންނަ 2100 އަހަރު ވެފައިވާ ސިޓީއެވެ.
އެ ރަށުގައި ގިނަ އަދަދެއްގެ ފަތުރުވެރިން ޝައުގުވެރިވާ ދީނީ އަދި ގަދީމީ ތާރީޚީ އަގުހުރި ތަންތަން ހިމެނެއެވެ.
އެއީ ޔަޢުޤޫބުގެފާނުގެ ދަރިކަލުން، ބުންޔާމީންގެ ޒިޔާރަތް ހުންނަ ސިޓީވެސް މެއެވެ.
ޒަޔަނިސްޓުން ދެމުންދާ ޓެރަރިސްޓު ހަމަލަތަކުން މި ހިސާބުގެ އާބާދީ ވަނީ ސިޓީން ބޭރުކޮށްލާފައެވެ. މުހައިލިބްއަކީ ދެކުނު ލުބުނާނުން ރައްޔިތުން ބޭރުވެގެން ދިއުމަށް އިޒްރޭލުން އެންގި 26 ރަށުގެ ތެރޭން އެއް ރަށެވެ.
ލުބުނާންގައި ޒަޔަނިސްޓުން އެމެރިކާގެ ވާގިވެރިކަމާއެކު ހިންގާ ޓެރަރިސްޓް ހަމަލާތަކުގައި 1500 މީހުން މަރާލާފައި ވެއެވެ. އަދި އެއް މިލިއަން މީހުން އެމީހުންގެ ގެދޮރުން ބޭރުކޮށްލާފައި ވެއެވެ.
