ޒަޔަނިސްޓު ބޮޑު ވަޒީރުގެ ނަތަންޔާހޫގެ ގެއަށް ޙިޒުބުﷲ އިން ކާމިޔާބު ކަމާއެކު، ޑޯން ހަމަލައެއް ދީފިއެވެ. އިޒްރޭލު ސިފައިން ވަނީ އެ ޙަމަލާއާ ގުޅޭ އެއްވެސް މަޢުލޫމާތެއް މީޑިއާގައި ހާމަ ނުކުރުމަށް އަންގާފައެވެ.
ހިފާފައިވާ ފަލަސްޠީނުގެ އައްސޭރިފަށުގައި އޮންނަ ޤައިޞަރިއްޔާ ސިޓީގައި ހުންނަ ނަތަންޔާހޫގެ ގެއަށް ޑްރޯން ޙަމަލަ ދިން އިރު އޭނާގެ އަންހެނުން ގޭގައި އުޅުނު ކަމަށްވެއެވެ.
އެހަމަލައިން މީހަކަށް ގެއްލުމެއް ނުވާކަމަށް ޒަޔަނިސްޓުން ބުނެއެވެ. ނަމަވެސް އިމާރާތަކަށް ގެއްލުން ލިބުނު ކަމަށް ބުނެފައި ވެއެވެ. އެކަމކު، އެއީ ކޮން އިމާރާތެއް ކަމަކަށް ނުބުނެއެވެ.
ޙިޒުބުﷲ އިން ވަނީ މީގެ ކުރިން އެ ގޭގެ މަތިން ޑްރޯނެއް އުދުއްސާފައެވެ. މިއީ އެގެއަށް ހަމަލަ ދިން ފުރަތަމަ ފަހަރެވެ.
އެ ޑްރޯނު އުދުހިގެން ސިޓީތެރެއަށް އައިއިރު، ހޯދައި ނުގަނެވި، ރަށުތެރެއަށް ވަން ގޮތާ ބެހޭ ގޮތުން އިޒްރޭލުން ވަނީ ތަހުގީގެއް ފަށާފައެވެ. މިދިޔަ ހަފްތާގައިވެސް ޒަޔަނިސްޓުންގެ އެލީޓް ސިފައިންގެ ގޯލާނީ ބްރިގޭޑްގެ މެސްރޫމަށް ދިން ހަމަލާގައި ޙިޒުބުﷲ އިން ވަނީ ނުލަފާ އަރުވާ ޓެރަރިސްޓު ޒަޔަނިސްޓު ސިފައިންގެ އެތައް ބަޔަކު މަރާލައި ނުކުޅައްދާފައެވެ.
ކޮމާންޑަރު ޝަހީދު ޔަޙުޔާ ސިންވާރު އަވަހާރަކޮށްލުމުން ޙިޒްބުﷲ އިން ބުނެފައި ވަނީ ޙަމަލަތައް އެއް ގިޔަރު ކުރިއަށް ޖައްސާލާނެ ކަމަށެވެ.
