ޓައިވާން ވަށައިގެން ބާރު ދެއްކުމަށް އަސްކަތީ ރަމްރީނުތަކެއް ބޭއްވުމަށްފަހު، އަވަސް ގޮތަކަށް ހަނގުރާމައަށް ތައްޔާރުވާން ޗައިނާ ލީޑަރު ގޮވާލައްވައިފިއެވެ. ރައީސް ޝީ ޖިންޕިންގ ވަނީ، ޕީޕަލްސް ލިބަރޭޝަން އާމީގެ ރޮކެޓް ބްރިގޭޑްގެ މަރުކަޒަށް ޒިޔާރަތް ކުރެއްވުމަށްފަހު، "ސިފައިންގެ ހަނގުރާމައިގެ ތައްޔާރީ ޙާލަތުގައި ތިބުމަށާއި ހަނގުރާމަ ކުރުމުގެ ކުޅަދާނަކަން އިތުރު ކުރުމަށް" ގޮވާލައްވާފައެވެ. އަދި ޝީ ވަނީ، "ތަމްރީނު ކުރުމުގެ މަސައްކަތް ވަރުގަދަ ކުރުމަށާއި ހަނގުރާމައަށް ތައްޔާރު ވުމަށާއި ހަމަލަ ދިނުމުގެ ކުޅަދާނަކަން އިތުރު ކުރުމަށް" ވެސް ގޮވާލައްވާފައެވެ.
ހޯމަ ދުވަހު ޗައިނާއިން ޓައިވާންގެ ވަށައިގެން ބާއްވާފައިވާ ތަމްރީނުތަކަކީ ފުޅާދާއިރާއެއްގައި ޗައިނާއިން ބާއްވާފައިވާ 4 ވަނަ ތަމްރީނެވެ.
ރައީސް ޝީ ވިދާޅުވީ ޗައިނާގެ ސްޓްރެޓެޖިކް އިންޓަރެސްޓާއި ޗައިނާގެ މަސްލަހަތު ސިފައިން ޙިމާޔަތް ކުރަން ވާނެކަމަށެވެ.
ޗައިނާއިން ބަލާފައިވާ ގޮތުގައި ޓައިވާނަކީ ޗައިނާގެ ބާޣީ ޕްރޮވިންސެކެވެ. އަދި ކޮންމެވެސް ހިސާބަކުން ޓައިވާން ޗައިނާއާ އިއްތިޙާދު ވާން ޖެހޭ ކަމަށެވެ.
