ޒަޔަނިސްޓުން ބެއިރޫތުގެ މެޑިކަލް އިންފްރާސްޓްރަކްޗަރއަށް ޙަމަލަ ދެމުން ދިއުމާ ގުޅިގެން އިންޑިއާއިން ބޭސްފަރުވާގެ އަސާސީ ސާމާނުތައް ލުބުނާނަށް ފޮނުވަން ފަށައިފިއެވެ. އިންޑިއާ އިން ފޮނުވާ ބޭސްފަރުވާގެ ޝިޕްމެންޓްގެ ފުރަތަމަ ބެޗްގައި ހިމެނޭ 11 ޓަން ވަނީ ބެއިރޫތަށް ފޯރާފައެވެ.
ނިއުދިއްލީގައި ނޫސްވެރިންނާ ވާހަކަ ދައްކަވަމުން، ލުބުނާންގެ ސަފީރު ރަބީޢު ވިދާޅުވީ، އިންޑިއާއިން އެހީ ފޮނުވާފައި ވަނީ ލުބުނާނުން އެދުމަކާ ނުލައި ކަމަށެވެ. އަދި ލުބުނާނާއި އިންޑިއާގެ ގުޅުމަކީ، 70އާއި 80 އަހަރުވީ ގުޅުމެއް ކަމުގައި އޭނާ ވިދާޅުވިއެވެ. ރަބީޢު ވަނީ އިންޑިއާގެ ލީޑާޝިޕަށް ޝުކުރު އަދާކުރައްވާފައެވެ.
އިންޑިއާއިން ވަނީ ލުބުނާނަށް 30 ޓަނުގެ ބޭސްފަރުވާގެ އެހީ ފޮނުވުމަށް ނިންމާފައެވެ.
