ކިއުބާގެ އިންޖީނުގެތަކަށް މައްސަލަ ޖެހިގެން ކަރަންޓު ކަނޑާލަން ޖެހުމާ ގުޅިގެން ސަރުކާރުން އިއްޔެ ސްކޫލުތައް ބަންދުކޮށް ސަރުކާރު މުވައްޒަފުންތައް ގެއަށް ފޮނުވާލި އެވެ. އެއަށްފަހު ކިއުބާގެ އެންމެ ބޮޑު އިންޖީނުގެ، އެންތޯނިއޯ ގުޓަރޭސް އިންޖީނުގޭގެ އިންޖީނުތަކުގައި މައްސަލަ ޖެހި އެތަންވެސް އެއްކޮށް ހުއްޓި މުޅި ޤައުމަށް އަނދިރިކަން ވެރިވެއްޖެއެވެ.
10 މިލިއަން މީހުންގެ ޤައުމު ކަނުއަނދިރީގައި ވަގުތުތައް ހޭދަކުރަން ޖެހުމާއެކު ކިއުބާގެ ރައީސް މިގުއެލް ޑިއާޒް ކާނެލް އެކްސްގައި ޕޯސްޓުކުރައްވަމުން ވިދާޅުވީ ކަރަންޓު އަލުން ދީފައި ނޫނީ ސަރުކާރުން ހުއްޓާނުލާނެ ކަމަށެވެ.
ކިއުބައަކީ އެމެރިކާއިން 50 އަހަރު ވަންދެން އެ ޤައުމުގެ އިންސާނީ ހައްޤަށް އަރައިގަނެ، ދަތިކުރުމުގެ ފިޔަވަޅުތައް އަޅައި ހަލާކުކޮށްލަން މަސައްކަތް ކޮށްފައިވާ ޤައުމެކެވެ.
