ސައޫދީ އަރަބިއްޔާގެ ޓީވީ ޗެނަލެއް ކަމަށްވާ އެމްބީސީގެ ބަޣުދާދު އޮފީސް އަންދާލައި ތަކެއްޗަށް ގެއްލުން ދީފިއެވެ. ބަޣުދާދުގައި 400އާއި 500އާ ދެމެދުގެ އަދަދެއްގެ މީހުން އެމްބީސީގެ އޮފީސް ފަޅާލީ ފަލަސްޠީނުގެ ދިފާޢުގައި މަސައްކަތް ކުރާ ޖަމާޢަތްތަކަކީ ޓެރަރިސްޓް ޖަމާޢަތްތަކެއް ކަމަށް އެ ސްޓޭޝަނުން ދުރަށް ފޮނުވި ރިޕޯޓެއްގައި ބުނުމުންނެވެ. އެ ރިޕޯޓުގައި ޙަމާސްއާއި ޙިޒުބުﷲ ސިފަ ކޮށްފައި ވަނީ ޓެރަރިސްޓް ޖަމާޢަތްތަކެއްގެ ގޮތުގައެވެ. އަދި 7 އޮކްޓޫބަރުގައި އިޒްރޭލަށް ހަމަލަ ދިން ހާދިސާ ކިޔައި ދެމުން ބުނެފައި ވަނީ، ކޮމާންޑަރު ޔަހުޔާ ސިންވާރަކީ، "ޓެރަރިޒަމުގެ އައު ސޫރަ" ކަމަށެވެ.
އެމްބީސީއަށް ވަދެގަތް މީހުން ވަނީ އެތާނގެ ކޮމްޕިއުޓަރުތައް ހަލާކުކޮށްލައި އިމާރާތުގައި ރޯކޮށްލާފައެވެ. ފަހުން ފުލުހުން ވަނީ އަލިފާންގަނޑު ނިއްވާލާފައެވެ.
ސައޫދީ އަރަބިއްޔާގައި ބައެއް މީހުން ފަލަސްޠީނާ މެދު ދެކޭ ގޮތް ތަފާތެވެ.
މި ވީޑިއޯގައި މިމީހާ މި ބުނަނީ ފަލަސްޠީނަކީ އިޒްރޭލަށް ހައްގު ބިމެއް ކަމަށެވެ. އެބިމުގައި ތިބި މީހުންނަކީ އެކި ތަންތަނުން ހިޖުރަކޮށްފައިވާ މީހުން ކަމަށް އޭނާ ދެކެއެވެ. އަދި އިޒްރޭލުން ދޭ ހަމަލާތަކަކީ ހައްގު ހަމަލާތަކެއް ކަމަށް އޭނާ ދެކެއެވެ.
https://x.com/WakeelMubariz/status/1847160090966597942
އެފަދަ އެހެން ޓުއީޓެކެވެ.
މިއީ ވެސް ސައޫދީ އިސް އާއިލާއެއް ކަމަށްވާ މުހައްމަދު ބިން އަބްދުލްވައްހާބުގެ އާއިލާއަށް ނިސްބަތްވާ މީހެއްގެ ވާހަކައެވެ. ސިންވާރު ޝަހީދުކޮށްލުމުން އަރަބިންނާއި މުސްލިމުންނަށް އޭނާ ވަނީ ތަހުނިޔާ ކިޔާފައެވެ.
