ރަޝިޔާއިން އަމިއްލަ ޕޭމެންޓުގެ ނިޒާމެއް ތަޢާރަފް ކޮށްފިއެވެ. ވޯލްނާ ޕޭމެންޓްގެ ނިޒާމަކީ، އެމެރިކާއިން ދަތިކުރުމުގެ ފިޔަވަޅު އެޅުމާއެކު، ވިސާއާއި މާސްޓަރ ކާޑްގެ ޚިދުމަތުން ރަޝިޔާ މަހުރޫމުކޮށްލުމުން އެކުލަވާލި ޕޭމެންޓްގެ ނިޒާމެކެވެ.
މި ނިޒާމު މިހާރު ވަނީ އެންޑްރޮއިޑާއި އައިފޯނަށްވެސް ފައްކާ ކޮށްފައެވެ.
މި ޕޭމެންޓްގެ ނިޒާމު ތައްޔާރުކޮށްފައި ވަނީ، ރަޝިޔާގެ ނޭޝަނަލް ޕޭމެންޓް ކާޑް ސިސްޓަމް (އެންއެސްޕީކޭ) އިންނެވެ. މިއަދު މި ނިޒާމު އިއުލާން ކުރުމާ ގުޅިގެން 20 ބެންކަކުން ވަނީ މި ޕޭމެންޓްގެ ނިޒާމު ބޭނުން ކުރުމަށް ޝައުގުވެރިވާ ކަމަށް ބުނެފައެވެ.
