ޣައްޒާގެ އުތުރުގެ ބައިތު ލާހިޔާގައި ފަލަސްތީނުގެ 73 މީހެއްގެ ގަތުލުއާންމެއް ހިންގާފައިވާ ކަމަށް ޣައްޒާގެ ސިވިލް ޑިފެންސުން ބުނެފި އެވެ.
"އަޅުގަނޑުމެންގެ ސިވިލް ޑިފެންސް ކްރޫއިން ވަނީ އިސްރާއީލުގެ ވައިގެ ސިފައިން މީހުން ދިރިއުޅޭ ސަރަހައްދަކަށް އަމާޒުކޮށްގެން ދިން ހަމަލާގައި ޣައްޒާގެ އުތުރުގެ ބެއިތު ލާހިއާގައި 73 ޝަހީދުންނާއި ޒަޚަމްވެފައިވާ ގިނަ އަދަދެއްގެ މީހުން ހޯދައިފަ،" ސިވިލް ޑިފެންސް އެޖެންސީން ބުނެއެވެ.
"ގޮއްވާލާފައިވާ އިމާރާތްތަކުގެ ދަށުގައި އަދިވެސް ގިނަ އަދަދެއްގެ ބަޔަކު ތިބިކަމަށްވެސް ބުންޏެވެ. ޒަޔަނިސްޓުން ބައިތު ލާހިޔާގައި ގަތުލުއާންމު ހިންގީ ދިނީ ހޮނިހިރު ދުވަހުގެ ރޭ ދަންވަރު އެވެ.
ޣައްޒާގައި މީޑިއާ އޮފީހުން ބުނީ މަރުވި މީހުންގެ ތެރޭގައި އަންހެނުންނާއި ކުޑަކުދިން ހިމެނޭ ކަމަށާއި އެހެން ހިސާބުތަކުން ބޭރުވި ގިނަ އަދަދެއްގެ މީހުން އެހިސާބަށް އައިސްތިބި ކަމަށެވެ.
