އެމެރިކާގެ ޖާސޫސީ މަޢުލޫމާތު އީރާނުން ފާއްދާލާފައި ވުމުން، އެމެރިކާއިން އެކަމަށް ނުތަނަވަސްކަން ފާޅުކޮށްފިއެވެ. އީރާނުގެ ބަޔަކު ހިންގާ ޓެލެގްރާމް ޗެނަލްގައި ފާއްދާލާފައިވާ މަޢުލޫމާތުގައި ވަނީ މި ހަފްތާގެ ކުރީކޮޅު އެމެރިކާގެ ދިފާއީ ވުޒާރާއާއި އެފަރާތާ ގުޅުން ހުރި ފަރާތްތަކާ އެކު ހިއްސާކޮށްފައިވާ ޑޮކިއުމެންޓްގައި ހިމެނޭ މަޢުލޫމާތެވެ.
ޓެލެގްރާމްގައި މިޑްލްއީސްޓް ސްޕެކްޓޭޓަރ ޗެނަލުން ހާމަކޮށްފައިވާ މަޢުލޫމާތުގައި ބުނެފައި ވަނީ، އީރާނަށް އިޒްރޭލުން ހަމަދިނުމާ ބެހޭ ޔަގީން ޑޮކޮއިމެންޓްތައް ލިބިފައިވާ ކަމަށެވެ. މިއީ އީރާނާ ބޭހޭ މައުލޫމާތު ގެނަސްދޭ ބައެކެވެ. އަދި އެމީހުން ބުނާ ގޮތުން އެމީހުންނަކީ އީރާނުން އޮޕަރޭޓް ކުރާ ބައެކެވެ.
މި ޑޮކިއުމެންޓްތައް ދޮގުކަމަކަށް އެމެރިކާއިންނެއް ނުބުނެއެވެ. އަދި މި ވާހަކަ ރިޕޯޓް ކޮށްފައިވާ އެކްސިއޮސްއިންވެސް އޭގެ ތެދުކަން ކަށަވަރު ކޮށެއް ނުދެއެވެ.
އެ ޑޮކިއުމެންޓްގައި ވަނީ ބައެއް ކަހަލަ، ބަރު ހަތިޔާރު ހަމަލައަށް ތައްޔާރު ވުމަށް ގެންގޮސް އެކިތަންތާނގައި ބެހެއްޓިކަމާއި، ހަމަލައަށް ތައްޔާރު ވުމަށް އަސްކަރީ ތަމްރީނުތައް ބޭއްވި ކަމަށެވެ. އަދި އިޒްރޭލުގެ ޑްރޯންތައްވެސް އެ ހަމަލައަށް ތައްޔާރު ކުރިކަމަށް ބުނެފައި ވެއެވެ.
އެކްސިއޮސްއިން ބުނާ ގޮތުގައި މިވާހަކަތަކަކީ ތެދެއް ކަމުގައިވާނަމަ އެއިން ދައްކައި ދެނީ، އެމެރިކާގެ ސަލާމަތީ އަދި ޖާސޫސީ މުއައްސަސާތަކުން އީރާނަށް މަޢުލޫމާތު ލިބޭ ކަމެވެ.
