ޔަހޫދީން ބޮޑު އަވަނުގައި ފިހެލުމަށް ގޮވާލި ޝިޢާރެއް ފާރުގައި ލިޔުމާ ގުޅިގެން މައްސަލަ ބަލަން ފަށައިފިއެވެ. ޕޮލެންޑްގެ ކަރަކޯވް ޔުނިވަރސިޓީގެ ފާރެއްގައި ލިޔެފައިވާ ޝިއާރު، ޔުނިވަރސިޓީން ވަނީ ކުށްވެރިކޮށްފައެވެ.
މި ޝިއާރު ލިޔެފައިވާ ބިންޑިންގަކީ ޒަޔަނިސްޓުންގެ ހަނގުރާމައިގެ ޖަރީމާތަކާ ދެކޮޅަށް އަޑު އުފުލި ކުދިން އެއްވެ އުޅުނު ބިލްޑިންގެކެވެ.
އެކުދިންގެ ފަރާތުން ވާހަކަ ދެއްކި މީހަކު ތުހުމަތު ކޮށްފައި ވަނީ އެޝިއާރަކީ ޒަޔަނިސްޓުންގެ ގޭސް އެނބުރުމެއް ކަމަށެވެ. އަދި އެމީހުންނަކީ ނަސްލީ ދެކޮޅުވެރިކަމެއް ގެންގުޅޭ ބަޔެއް ނޫން ކަމަށާއި އެމީހުންގެ ދެކޮޅުވެރިކަމަކީ، ޒަޔަނިސްޓުންގެ ހަނގުރާމައިގެ ޖަރީމާ ދެކޮޅަށް އޮތް ކަމެއް ކަމަށް ބުންޏެވެ.
ޔަހުދީން ބޮޑެތި އަވަނުގައި ފިހެލުމުގެ މައްސަލައަކީ ޕޮލެންޑް މީހުންނަށް ހައްސާސް މައްސަލައެކެވެ. ޝައްކުން ފުރިގެންވާ ހާދިސާއެއްގައި ނާޒީން ދެވަނަ ބޮޑު ހަނގުރާމައިގައި ޔަހޫދީން ބޮޑު އަވަނުގައި ފިހެލިކަމަށް ތާރީޚީ ފޮތްތަކުގައި ބުނެއެވެ.
