އިންޑިއާ އާއި ސިންގަޕޫރާ ދެމެދު ސައިބަރ ޕޮލިސީގެ މަޝްވަރާތައް ބާއްވައިފިއެވެ. ސިންގަޕޫރުގައި ބާއްވާފައިވާ މި މަޝްވަރާތަކުގެ މަގްސަދަކީ، މަޢުލޫމާތުގެ ރަސްމަގުގައި ކުރިމަތިވާ ނުރައްކާތައް ދަނެގަތުމާއި، ޤައުމީ ފެންވަރުގައި ސައިބަރ ސްޓްރެޓެޖީތަކާއި ސިޔާސަތުތައް އެކުލަވާލުމާއި ނުރައްކާތައް ދަނެގަތުމާއި، އދ.ގެ ބެލުމުގެ ދަށުން ކުރިއަށް ގެންދާ ދުނިޔޭގެ ސައިބަރ ގަވަރނަންސްއާ ބެހޭ މަޝްވަރާތަކުގައި ދެ ފަރާތް ގުޅިގެން ސިޔާސަތުތައް އެކުލަވާލާއި ތަރައްގީ ކުރުމާ ބެހޭ މަޝްވަރާތައް ކުރުމަށް ޚިޔާލު އެއްގޮތް ކުރުމެވެ.
އިންޑިއާއަކީ ސިޔާސަތު އެކުލަވާލުމާއި ޑިޕްލޮމެސީގެ ފެންވަރުގައިވެސް ސައިބަރ ސިޔާސަތަށް ބާރުއަޅާ ޤައުމެކެވެ. އިންޑިއާގެ ޚާރިޖީ ވުޒާރާގައި އެކަމަށް ޚާއްސަ ޑިޕާޓްމަންޓެއް އޮވެއެވެ.
އިންޑިއާއާއި ސިންގަޕޫރުގެ މަޝްވަރާތަކަށް ފަހު ބުނެފައި ވަނީ، ކްރިޓިކަލް އިންފޮމޭޝަން އިންފްރާސްޓްރަކްޗަރ ހިމާޔަތްކުރުމާ ގުޅޭގޮތުން ދެ ޤައުމުގެ އެއްބާރުލުމަށްވެސް ފޯކަސް ކޮށްފައި ވާނެ ކަމަށެވެ.
ސިންގަޕޫރުގައި ބާއްވާފައިވާ މި މަޝްވަރާތަކުގައި އިންޑިއާއިން ބައިވެރިވެވަޑައިގަތީ، މިނިސްޓްރީ އޮފް އެކްސްޓަރނަލް އެފެއާޒްގެ ސައިބަރ ޑިޕްލޮމެސީގެ ޖޮއިންޓް ސެކްރެޓަރީ އަމީތު އޭ ޝުކްލާ އާއި ސިންގަޕޫރުގެ ސައިބަރ ސެކިއުރިޓީ އެޖެންސީގެ ޗީފް އެގްޒެކެޓިވް ޑޭވިޑް ކޯ އެވެ.
