އުމުރުން 35 އަހަރުގެ ޝައިޖާއަކީ، އާދައިގެ އަންހެނެކެވެ. އެކަމަކު އޭނާ ތަފާތެވެ! އޭނާއަކީ އޭނާގެ މަތިމަހަށް ފަޚުރުވެރިވާ އަންހެނެކެވެ. އޭނަގެ ވަޓްސަޕް ފޮޓޯގެ ތިރީގައި ލިޔެފައި ވަނީ "މަގޭ މަތިމަހަށް ފަޚުރުވެރިވަން" މިފަދައިންނެވެ.
ކެރެލާގެ ކަންނޫރުގެ މިއަންހެން މިހާގެ މަތިމަހުގައި ލޯލިތައް ހުންނަތާ ޒަމާންތަކަކަށް ފަހު މިހާރު އެއީ ފުރިހަމަ މަތިމަހެކެވެ!
"ބުމަ ހެއްޖަސް މަތިމަހުން އިސްތަށްޓެއްވެސް އުފުރާލަން ބޭނުމެއް ނޫން" ޝައިޖާ ބުނެއެވެ. އޭނާއަށް އެންމެ ހިތް ދަތި ދުވަސްވަރަކީ ކޯވިޑްގެ ދުވަސްވަރެވެ. އެއީ މާސްކު އެޅުމުން އޭނާ ފަޚުރުވެރިވާ މަތިމަސް ފޮރުވޭތީ އެވެ.
ވަރަށް ގިނަ މީހުން އޭނާގެ މަތިމަސް ބޭލުމަށް އެދެއެވެ. އެކަމަކު ޝައިޖާ ބުނަނީ "އެހެން މީހުންގެ ނެތް އެއްޗެއް މަށަށް ލިބުމުން އަހަރެންނަށް އަހަރެން ފެންނަނީ ނިކަން ތީރިކޮށް" ކަމަށެވެ.
މޫނުގައި ސަޅި ތުނބުޅިއެއް ހުރި އަންހެނަކު ދުނިޔޭގެ ރެކޯޑް ފޮތަށް ވެސް ވަދެފައި ވެއެވެ. 2016ގައި ހަރްމާން ކައުރު ވެފައި ވަނީ ސަޅި ތުނބުޅިއެއް ހުރި އެންމެ ޒުވާން އަންހެނާއަށެވެ.
