ޗައިނާގެ އިޤްތިސާދަށް ހީނަރުކަމެއް ކުރިމަތިވިނަމަވެސް، ޗައިނާގައި އައިފޯން 16 މަގްބޫލު ފޯނަކަށްވެ، ގަންނަ މީހުން އިތުރު ވެފައި ވެއެވެ. މި ވާހަކަ ރިޕޯޓު ކުރި، ކައުންޓަރޕޮއިންޓް އިން ބުނީ އައިފޯން 16 ޕްރޯ އަދި ޕްރޯ މެކްސް މޮޑެލް ބާރަށް ވިކެމުންދާ ކަމަށާއި، 2023 ވަނަ އަހަރުގެ ވަރޝަންތަކާ އަޅާބަލާއިރު ޗައިނާގައި ޖުމްލަ ސޭލްސް 44 އިންސައްތައަށް އިތުރުވެފައިވާ ކަމަށެވެ. ނަމަވެސް ޗައިނާގައި ޖުމްލަކޮށް އައިފޯން ވިއްކުން ވަނީ، ތިން ހަފްތާގެ ތެރޭގައި އަހަރުން އަހަރަށް 2 އިންސައްތައަށް ދަށަށް ގޮސްފައެވެ. އައިފޯނާ ވާދަ ކުރަނީ، ވާވޭގެ މެޓް އަދި ޕޫރާ ސީރީޒް ކަމަށް ކައުންޓަރޕޮއިންޓުން ބުނެއެވެ.
އެޕަލްގެ އައު އައިފޯނު ޗައިނާގައި ލޯންޗުކުރިތާ ފުރަތަމަ ތިން ހަފްތާގައި އެ މޮޑެލްގެ ވިޔަފާރި 20 އިންސައްތައަށް އިތުރުވެގެން ދިޔަ ކަމަށްވެސް ރިސާޗް ކުންފުނި ކައުންޓަރޕޮއިންޓްގެ ތަފާސްހިސާބުތަކުން ދައްކައެވެ.
އެޕަލް އާއި ވާވޭގެ އެންމެ ފަހުގެ ސްމާޓްފޯނު ޗައިނާގައި ވިއްކަން ފަށާފައިވަނީ ސެޕްޓެމްބަރު 20 ވަނަ ދުވަހު އެވެ. ދެކުންފުނިންވެސް ދަނީ ދުނިޔޭގެ އެންމެ ބޮޑު ސްމާޓްފޯން މާކެޓުގައި ވާދަވެރިކަން ދައްކަމުންނެވެ.
