އެމެރިކާގެ ރިޔާސީ ކެންޑިޑޭޓް ކަމަލާ ހެރިސް ގަބޫލު ކުރައްވަނީ، ޣައްޒާގައި ޒަޔަނިސްޓުން ހިންގާ ހަނގުރާމައަކީ ނަސްލު ނައްތާލުމުގެ އަމަލެއް ކަމެށެވެ.
"އެއީ ހަމަ ޖެނޮސައިޑެއް" ކަމަށް ހެރިސް ވިދާޅުވާ ވީޑިއޯ ވަނީ މީސްމީޑިއާގައި އާންމު ވެފައެވެ.
ޔުނިވާސިޓީ އޮފް ވިސްކޮންސިން – މިލްވަކީގައި އޮތް ބައްދަލު ވުމެއްގައި ފަލަސްޠީނަށް ތާއީދު ކުރާ ދަރިވަރުން ވަނީ އިޒްރޭލުގައި ހިންގަނީ ނަސްލު ނައްތާލުމުގެ އަމަލެއް ނޫންތޯ ތަކުރާރުކޮށް އޭނާއާ ސުއާލު ކޮށްފައެވެ.
އޭނާ ވިދާޅުވަމުން ގެންދެވީ ތިޔަ ކުރާ ސުއާލު އެނގިއްޖެ ކަމަށާއި ތިޔަ ދައްކާ ވާހަކަވެސް އިވިއްޖެ ކަމަށެވެ. "ދެން އަޅުގަނޑަށް ވާހަކަ ދައްކަން ފުރުސަތު ދެއްވާ...." މި ހެން ވިދާޅުވެ އޭނާ ވާހަކަ ކުރިއަށް ގެންދެވުމުންވެސް މީހުން ފުރުސަތެއް ނުދިނެވެ. ނަމަވެސް އެ ވާހަކައަށް ފަހު ބޭރަށް ނިކުންނަވައި ވާހަކަ ދައްކަވަމުން އޭނާ ވިދާޅުވީ "އެއީ ހަމަ ޖެނޮސައިޑެއް" ކަމަށެވެ. އޭނާގެ އަޑުފުޅު އެ ވީޑިއޯއިން ސާފުކޮށް އިވިގެން ދެއެވެ.
