ޑެޑްސީ ކައިރީގައި ދިން ޙަމަލަ ދިން ދެ ޒުވާނުންނަށް އަބޫ ޢުބައިދާ ތަޢުރީފު ކުރައްވައިފިއެވެ. ޝަހީދު ޢިއްޒުއްދީން އަލްޤައްސާމް ބްރިގޭޑްސްގެ ތަރުޖަމާނު އަބޫ ޢުބައިދާ ވަނީ ޑެޑް ސީ (ބަޙުރުލްމައްޔިތު) ގައި އުރުދުންގެ ދެ ޒުވާނުން ކަމަށްވާ ޙުސާމް އަބޫ ޣަޒާލިއާއާއި ޢަމަރު ޤަވާސް ހިންގި ޖާނުން ފިދާވުމުގެ އޮޕަރޭޝަނަށް ތަޢުރީފު ކުރައްވާފައެވެ.
"އަލްޤައްސާމް" ވެބްސައިޓުން ރިޕޯޓްކޮށްފައިވާ ބަޔާންތަކުގައި، އަބޫ ޢުބައިދާ ކަށަވަރުކޮށްދެއްވީ، އަލްޤަސާމްގެ ލީޑަޝިޕުން ފަޚުރުވެރިކަމާއެކު އެ ދެ ޝަހީދުންގެ ބުޠޫލީ ޢަމަލު ބަލައިގަނެފައިޥާ ކަމަށެވެ.
ހަމާސްގެ އަސްކަރީ ވިންގުގެ ތަރުޖަމާނު އިތުރަށް ވިދާޅުވީ "އަލްއަޤްސާ ޠޫފާންގެ ބަޠަލުންގެ ތެރޭގައި ޝަހީދުން ކަމަށްވާ ޙުސާމް އަބޫ ޣަޒާލިއާއާއި ޢަމަރު ޤައްވާސް ހިމެނޭ" ކަމަށެވެ. އެ ދެމީހުންނަކީ، އުރުދުންގެ ޒުވާނުންނެވެ.
އަލްޤައްސާމުން ވަނީ އެ ދެ ޝަހީދުން އިސްރާއީލުގެ އަސްކަރީ ޗެކްޕޮއިންޓެއްގެ ފޮޓޯތަކެއް ޝާއިއުކޮށް، އެމީހުންގެ އެ އޮޕަރޭޝަން ހިންގި ތަން މޮނިޓަރ ކުރަމުން ދަނިކޮށް ނަގާފައިވާ ފޮޓޯ އާންމު ކޮށްފައެވެ.
