ޗައިނާގެ ކުރީގެ ފޮރިން މިނިސްޓަރު ކިން ގޭންގް ނިޒާމުން ގެއްލިފައި ވަނީ، "ޖާސޫސީކަމެއްގައި ޝައްކު" ކުރެވިގެން ކަމަށް ވޯލް ސްޓްރީޓް ޖާނަލްގެ ރިޕޯޓެއްގައި ބުނެފިއެވެ. އޭނާ ޚާރިޖީ ވަޒީރު ކަމުން ވަކިކުރީ ވަޒީފާގައި އެންމެ 6 މަސް ހޭދަ ކުރެއްވުމަށް ފަހުއެވެ.
މީގެ ކުރީގެ ރިޕޯޓްތައް ބުނާ ގޮތުގައި 2023 ވަނަ އަހަރުގެ ޖޫން މަސް ނިމުނު ފަހުން އާންމު ތަންތަނުން ފެނިފައި ނުވާ ޗައިނާގެ ކުރީގެ ފޮރިން މިނިސްޓަރު މަގާމުން ވަކިކުރީ ޗައިނާގެ މަޝްހޫރު ސިޔާސީ ޕްރެޒެންޓަރު ފޫ ޝިއޯޓިއަންއާ އެކު ކައިވެނީގެ ބޭރުން ލޯބީގެ ގުޅުމެއް ހިންގެވިކަމުގެ ތުހުމަތުގައެވެ.
މި ގުޅުން ކަށަވަރުވި ނަމަވެސް ޗައިނާގެ އޮފިޝަލުންނާ ހަވާލާދީ އެމެރިކާ ނޫހުން ބުނެފައި ވަނީ ޗެންގެ މަގާމު ގެއްލުނީ ބެއިޖިންއަށް ޒިޔާރަތްކުރެއްވި ރަޝިޔާގެ ޑެޕިއުޓީ ފޮރިން މިނިސްޓަރު އަންޑްރޭ ރޫޑެންކޯ އިސްކޮށް ހުންނެވި ރަޝިޔާގެ ވަފުދަކުން ދިން އިންޒާރަކުން ކަމަށެވެ. އަދި އެވާހަކަ ނިސްބަތް ކޮށްފައި ވަނީ ޗައިނާ މަސްއޫލުވެރިންނަށެވެ.
ތުހުމަތު ކުރެވެނީ، ޗައިނާގެ އާ ފޮރިން މިނިސްޓަރު އިނގިރޭސިވިލާތުގެ ޖާސޫސަކާ ގުޅުން ބޭއްވި ކަމެވެ. އަދި އެކަން ބެއިޖިންގެ އޮފިޝަލުންނަށް ރަޝިޔާއިން އެންގުމުންނެވެ.
