ގަބޫލު ކުރަންތަ؟ މިއަދުގެ ދުނިޔެ އުފަންވީ މީގެ 20 އަހަރު ކުރިންނެވެ. ޔައުނީ، މިއަދުގެ ސުމޭކު ދުނިޔޭގައި އަހަރަމެން މޮޅަށް ބޭނުންކުރާ އޮންލައިން ޓެކްނޮލޮޖިއާއި އެއަށްފަހި ކޮށްދިން އެހެން ޓެކްނޮލޮޖީއަށް މަގު ކޮށައި ދީފައި ވަނީ 2004 ވަނަ އަހަރު ކަމަށް، "ވާޖް" ކިޔާ ނޫހަކުން ސާބިތު ކޮށްދީފިއެވެ.
އަހަރެންނަށް އެވާހަކަ ގަބޫލު ކުރެވެއެވެ!
ފޭސްބުކުއާއި ޖީމެއިލްއާއި ފަޔަރފޮކްސް ބްރައުޒަރއާއި ފޮޓޯ ރައްކާ ކުރާ ފްލިކަރ ފަދަ ހުރިހައި ވަސީލަތެއް ދުނިޔެއަށް އުފަންވީ އެހަރުގެ ތެރޭގައެވެ. އަދި އެއިން ބައެއް ޓެކްނޮލޮޖީ ތަސައްރަފް ފުދުނީވެސް އެއަހަރުގެ ތެރޭގައެވެ.
އަހަރަމެން 2004ގެ ކުރިން ސާޗު އިންޖީނަކަށް ބޭނުން ކުރަމުން އައީ، ލައިކޯސްއާއި ޔާހޫއާއި އަލްޓާވިސްޓާއާއި އާސްކް ޖީވްސް އެވެ. މިތަކެތި މިހާރު ކޮބައި ހެއްޔެވެ؟ 2004ގެ ފަހުން ގޫގްލް އެ ހުރިހައި އެއްޗެއްގެ ދުވަސް ދުއްވާލައިފިއެވެ.
2004ގެ ކުރިން އަހަރަމެން ދުވަހަކުވެސް ޕޮޑްކާސްޓް އޭ ކިޔާ ބަހެއް އަޑެއްވެސް ނަހަމުއެވެ. 2004 އެއީ 'އައިޕޮޑް މިނީ' އުފަންވި އަހަރެވެ. މާލޭގައި އައިޕޮޑް މިނީއެއް ގަންނަން ލިބެނީ އެންމެ ފިހާރައަކުންނެވެ! އެއިން ޕޮޑްކާސްޓް ބަސް އުފެދިގެން ދިޔައީއެވެ.
2004ގެ ކުރިން އެތައް ބަޔަކު ބައިވެރިވެގެން ގޭމް ކުޅުމަކީ އާންމު ކަމެއް ނޫނެވެ. މައިންކްރާފްޓް އުފަންވީ އެއަހަރުއެވެ. އޭގެ ސަބަބުން އެކިތަންތާނގައި ތިބެގެން ގޭމް ކުޅޭ ގޮތަށް ސަގާފަތް ބަދަލު ވެގެން ދިޔައީއެވެ.
އެ ޒަމާނަކީ ކަންކަން 'ވައިރަލްވާ' ޒަމާނެއް ނޫނެވެ. 2004 އެއީ ބޮޑު ކޮންސަރޓެއްގައި އެޒަމާނުގެ މަޝްހޫރު ލަވަކިޔުންތެރިޔާ ޖަނެޓް ޖެކްސަގެ ހެދުން ބޭލުނު އަހަރެވެ. އެ ޒަމާނުގައި މީހުން ސޯލިހު ކަމުން ތޯއްޗެކެވެ!
އެ ކަން ވައިރަލްއެއް ނުވެއެވެ. އެކަމަކު ހަގީގަތުގައި އެކަން ވައިރަލް ނުވީ، މިހާރު މިއޮންނަހައި ފަސޭހައިން 'އޮންލައިން ވީޑިއޯ' ޕްލެޓްފޯމްތައް ނެތިގެންނެވެ. އެހެންވެ، ރައްޓެހި ތިން ސޮރުން ވެގެން އުފެއްދީ ޔޫޓިއުބެވެ!
ފަހުން ގޫގްލްއިން އެ ކުންނފުނިވެސް ދިރުވާލީއެވެ.
އެއީ އަހަރަމެންނަށް ފެނުނު މީގެ 20 އަހަރު ކުރީގެ 2004 އެވެ. މިއަދު 2024ގައި ތިބާގެ ތަޖުރިބާއަކީ ކޮބައި ހެއްޔެވެ؟
