ސަޢޫދީ ޒަޔަނިސްޓް މީޑިއާ ބްލޮކްކޮށް އެމްބީސީ ބަންދު ކުރުމަށް އިރާގުން ނިންމައިފިއެވެ. ސަޢޫދީ ޢަރަބިއްޔާގެ މިޑްލް އީސްޓް ބްރޯޑްކާސްޓިންގ ކޯޕަރޭޝަންގެ ހުއްދަ ބާޠިލު ކޮށް އެ މީޑިއާއަށް އިރާޤްގައި މަސައްކަތް ނުކުރެވޭ ގޮތަށް ހަދައި ބަޣުދާދުން އެމްބީސީ ބްލޮކް ކުރަން ނިންމީ ފަލަސްޠީނުގެ ޝަހީދުންނަށް ފުރައްސާރަ ކުރުމުންނެވެ.
ސަޢޫދީ އެމްސީބީގެ ދަށުން ހިންގާ އަލްހަދަސް މީޑިއާއިން ވަނީ ލުބުނާންގެ ހުއްދައާ ނުލައި އިޒްރޭލު ސިފައިން ދިން ދައުވަތަކަށް އެމީހުންނާއެކު ދެކުނު ލުބުނާނަށް ވަދެ ރިޕޯޓުކޮށްފައެވެ.
ލުބުނާނު ސަރުކާރުން ވަނީ އެކަންވެސް ކުށްވެރިކޮށް ލުބުނާންގެ ސިޔާދަތަށް އަރައިގަތީ ކަމަށް ބުނެފައެވެ.
އިރާގް ސަރުކާރުން ބުނެފައި ވަނީ ފަލަސްޠިނުގެ ޝަހީދުންނާއި މުޖާހިދުންނަށް ކުޑައިމީސްވާ ގޮތަށް ސައޫދީ އެމްބިސީން ރިޕޯޓު ކުރުމަކީ އިރާގާއި އިރާގް ރައްޔިތުން ބަލައި ގަންނާނެ ކަމެއް ނޫން ކަމަށެވެ.
ޒަޔަނިސްޓުންގެ އަތުން ފަލަސްޠީނު މިނިވަން ކުރުމަށް މަސައްކަތް ކުރާ ޙަމާސް ޖަމާއަތުގެ މުޖާހިދުންނަކީ ޓެރަރިސްޓުންގެ ގޮތުގައި ސާފު ބަހުން ސިފަކޮށް "ألفية الخلاص من الإرهابيين" ގެ ނަމުން ޕްރޮގްރާމެއް އެމްބީސީން ގެނަސްދިނުމުން، 500އެއްހައި އިރާގް މީހުން ވަނީ އެމްބިސީ ސްޓޭޝަނަށް ވަދެ އެތަން ހުޅުޖަހާފައެވެ.
ފާޑު ކިޔުން ބޮޑު ވެގެން ސައޫދީ ސަރުކާރުންވެސް އެ ޗެނަލުގެ މައްސަލަ ބަލާނެ ކަމަށް ބުންޏެވެ. ސައޫދީ ސަރުކާރުން އެމްބީސީގެ މައްސަލަ ބަލަން ބުނިކަމުގައި ވިއަސް ސައޫދީ ޝާހީ އާއިލާއާއި ސަރުކާރާތް ގާތް ބައެއް ވައްހާބީ އާއިލާގެ އިސްފަރާތްތައް ކަމަށްވާ ޢަބްދުއްލަޠީފު އާލުއްޝައިޚު ފަދަ މީސްމީހުން ވަނީ ފަލަސްޠީނުގެ ޝުހަދާއިންނާއި މުޖާހިދުންނަށް ބިރަކާ ނުލައި ބަދުބަސް ބުނެ ޓުއީޓުތައް ކޮށްފައެވެ.
ސަޢުދީ މީސްމީޑިއާގައި ފަލަސްޠީނާ ދެކޮޅަށް އާދަޔާ ޚިލާފަށް ހަތުރުވެރިކަން އިތުރު ވެފައިވާ ކަން ފާހަގަ ވެއެވެ. ސައޫދީ ރައްޔިތަކު ވަނީ ފަލަސްޠީނުގެ ބިމަކީ، ޒަޔަނިސްޓު ޔަހޫދީންގެ ބިމެއް ކަމަށް ބުނެ އެތަނުން ފަލަސްޠީނު މީހުން ބޭރުވާން ޖެހޭނެކަމަށް ބުނެފައެވެ. އަދި އޭނާ ސިފަ ކޮށްފައި ވަނޯ ފަލަސްޠީނުގެ މީހުން ކަމަށް ބުނާ މީހުންނަކީ އެހެން ތަންތަނުން ހިޖުރަ ކޮށްފައި ތިބި މީހުންނެވެ.
(އެޑިޓަރުގެ ބަޔާން: މަތީގައި ހަވާލާ ދީފައިވާ ޓުއީޓަކީ ވީޑިއޯއަކާއެކު އޮތް ޓުއީޓެކެވެ. ފަލަސްޠީނުގެ މީހުންގެ ޙައްޤަށް އިޙުތިރާމް ކުރުމުގެ ގޮތުން މަސްލަހަތަށްޓަކައި އެޓުއީޓަށާއި އާލުއްޝައިޚުގެ ޓުއީޓަށް މިލިޔުމުގައި ހަވާލާ ނޫދޭން ނިންމާފައި ވާނެއެވެ.)
