އިޒްރޭލުން ބެއިރޫތުގެ އިމާރާތެއް ގޮއްވާލި އިރު ބޭނުން ކޮށްފައި ވަނީ އެމެރިކާއިން އުފައްދައި، އެމެރިކާއިން އިޒްރޭލަށް ދީފައިވާ ސްޕައިސް SPICE 2000 މިސައިލް ކަން ޔަގީން ވެއްޖެއެވެ.

ސެންޓަރ ފޯރ ސްޓްރެޓެޖިކް އެންޑް އިންޓަރނޭޝަނަލް ސްޓަޑީޒް އިން ވަނީ މި މިސައިލްގެ ފޮޓޯތައް ދިރާސާކޮށް، މިއީ އެމެރިކާއިން އުފައްދައި އެމެރިކާއިން ޒަޔަނިސްޓު ވަހުޝީ ނިޒާމަށް ދީފައިވާ ސްޕައިސް 2000ގެ މިސައިލް ކަން ޔަގީންކޮށްދީފައެވެ. ލުބުނާންގެ ލަ އޮރިއެންޓް ޓުޑޭ ނޫހުގައި މިވާހަކަ ހެއްކާއެކު ޝާއިއުކޮށްފައި ވެއެވެ.

ސްޕައިސްގެ ދިގު ނަމަކީ ސްމާޓް، ޕްރިސައިޒް އިމްޕެކްޓް ކޮސްޓް އިފެކްޓިވް އެވެ. މާނައަކީ ޚަރަދު ކުޑަ ގޮތަކަށް ބޮޑު ޖަރީމާއެއް ހިންގާލައި ފޫ ނުބެއްދޭ ވަރުގެ ގެއްލުމެއް ދެވިދާނެ ބާވަތުގެ މިސައިލެކެވެ. އަމާޒަށް ވާސިލުވާއިރު މި ސޮރުގެ ކޮޅުގައި 2 ހާސް ރާތަލުގެ ބާރުގަދަ ގޮވާ ބޮލެއް ހަރުކޮށްފައި އޮންނާނެއެވެ.

ކޮމާންޑަރު ސިންވާރު، މިނިވަންކަމުގެ ހަނގުރާމަ ފެށިފަހުން، އޮކްޓޯބަރު 2023ގައި ނިއުޔޯކް ޓައިމްސްގެ ރިޕޯޓެއްގައި، ބުނެފައި ވަނީ، 320 މިލިއަން ޑޮލަރަށް ވާވަރުގެ ސްޕައިސް އާއިލާގެ މިސައިލް އެމެރިކާއިން ޒަޔަނިސްޓް ނިޒާމަށް ސަޕްލައި ކޮށްދީފައި ވާނެ ކަމަށެވެ.

ލުބުނާންގެ 2530 މީހުން ޝަހީދުކޮށްލައި 12 ހާސް މީހުން ޖަލާވަޒަން ކުރީ ކާކު ހަތިޔާރު ދީގެން ކާކު އަޑީގައި ހުރެގެން ކުރުވާ ހަނގުރާމައަކުން ކަން ހީވޭ ހެއްޔެވެ؟