ޓައިވާންގެ ހުޅަނގު ދެކުނު އެއާ ޑިފެންސް އައިޑެންޓިފިކޭޝަން ޒޯން މަތިން ފްލައިޓް ދަތުރު ކުރާ މަގެއް ހުރަސްކޮށް، ޗައިނާގެ ޒިޗަންގް ސެޓެލައިޓް ލޯންޗް ސެންޓަރުން ޗައިނާގެ ސެޓެލައިޓް މައްޗަށް ފޮނުވާފައިވާ ކަމަށް ޓައިވާންގެ މިނިސްޓްރީ އޮފް ނޭޝަނަލް ޑިފެންސް އިން ބުނެފި އެވެ.
އެކްސް ގައި ކޮށްފައިވާ ޕޯސްޓެއް ގައި ބުނެފައި ވަނީ ޗައިނާގެ އެ އަމަލުން އެއްވެސް ނުރައްކަލެއް ކުރިމަތި ނުވާ ކަމަށެވެ.
މީގެ އިތުރުން ޗައިނާއިން ވަނީ އިއްޔެވެސް ޓައިވާން ކައިރީގައި އަސްކަރީ ހަރަކާތްތައް ވަރުގަދަކޮށްފައެވެ.
ހެނދުނު 6 ޖެހިއިރު އެ ސަރަހައްދުން 15 މަތިންދާބޯޓާއި 6 މަނަވަރު ފެނިފައިވެ އެވެ.
އެމްއެންޑީއެފުން ރިޕޯޓްކޮށްފައިވާ ގޮތުގައި 11 މަތިންދާބޯޓު ވަނީ ޓައިވާންގެ ހުޅަނގު ދެކުނު ވައިގެ ސަރަހައްދަށް ވަދެފައެވެ. އެކަމުގެ ރައްދުގައި މަތިންދާބޯޓުތަކާއި ނޭވީގެ އުޅަނދުތަކާއި އައްސޭރިފަށުގެ މިސައިލް ސިސްޓަމްތައް ހަރަކާތްތެރި ކުރިކަމަށް ބުނެއެވެ.
ޗައިނާގެ އެންމެ ފަހުގެ އަސްކަރީ ފިޔަވަޅަކީ ޓައިވާނާއި ޗައިނާއާ ދެމެދު އުފެދިފައިވާ އަސްކަރީ ހަމަނުޖެހުންތަކުގެ ތެރެއިން ކުރިއަށް ގެންދާ ފިޔަވަޅެކެވެ.
ޓައިވާނަކީ 1949 ވަނަ އަހަރުން ފެށިގެން ވަކިވެގެންފައިވާ ބާޣީ ޕްރޮވިންސެއް ކަމަށް ޗައިނާއިން ބަލާ ސަރަހައްދެކެވެ.
