އާއިލާގެ އަބުރު ރައްކާތެރި ކުރުމަށް ޕާކިސްތާންގެ ގޯލްރާ ސަރަހައްދުގައި ބޭބެއަކު ވަނީ އުމުރުން 17 އަހަރުގެ ޔަތީމު އަންހެން ކޮއްކޮ މަރާލާފައެވެ. ފުލުހުން ވަނީ އެ ހާދިސާ ހިނގި ތަނުން އެ މީހާ ހައްޔަރުކޮށްފައެވެ. އަންހެން ކުއްޖާގެ ދޮންބައްޕަ ކަރާމަތު އަލީ ބުނި ގޮތުގައި ގޯލްރާ ރޭލްވޭ ސްޓޭޝަން ކައިރީގައި ހުންނަ އެގެއަށް އޭނާ ދިޔައީ ގެއިން ހަޅޭއްލަވާ އަޑު އިވުމުންނެވެ. އެތަނަށް އާދެވުނު އިރު ޒަހުރާ ބީބީ އޮތީ ލޭގެ ކޯރެއްގައި ތަތްތެޅިފައި ކަމަށެވެ. އަދި އޭނާގެ ބޭބެ މުހައްމަދު ޒައިން ޚަންޖަރަކުން ހަމަލާ ދިން ކަމަށާއި މީހުން ވެގެން އޭނާ އޮބަހައްޓައި ކޮތަރިއެއްގައި ބަންދުކޮށް ފުލުހުން އައުމުން ހަވާލު ކުރީ ކަމަށެވެ.
މުހައްމަދު ޒައިން ތުހުމަތު ކުރާ ގޮތުގައި އޭނާގެ ކޮއްކޮ ފެނުނީ ގެއްލިގެްނ އުޅޭތާ އަހަރެއް ފަހުންނެވެ.
އިތުރު އެހެން ހާދިސާއެއްގައި ޕޮލިހުން ވަނީ ހަދަމުންދާ އިމާރާތެއްގެ ތެރެއިން މާޖިދު އަލީ ނަމަކަށް ކިޔާ ޒުވާނެއްގެ ގަބުރު ހޯދާފައެވެ.
މާޖިދުއަކީ ރާވަލްޕިންޑީގެ މުސްލިމް ޓައުން އިން ގެއްލިގެން ރިޕޯޓް ކޮށްފައިވާ މީހެކެވެ.
