ޗައިނާގައި އުމުރުން 60 އަހަރުން މަތީގެ ގާތްގަނޑަކަށް 60 ޕަސެންޓް މީހުންނަކީ އެކަނިވެރިކަމުގައި އުޅޭ މީހުންނެވެ. މިއީ ދިހަ އަހަރު ތެރޭގައި 10 ޕަސެންޓުގެ އިތުރު ވުމެއް ކަމަށް ސައުތު ޗައިނާ މޯނިންގ ޕޯސްޓުން ބުނެއެވެ. ޗައިނާގެ ދޮށީ އުމުރުގެ އާބާދީގެ މީހުން ދިރިއުޅެނީ ނާސިން ހޯމްތަކުގައެވެ.
ޗައިނާގެ ސިވިލް އެފެއާޒް މިނިސްޓްރީން ކޮންމެ ފަސް އަހަރަކުން އެއް އަހަރު ކުރިއަށްގެންދާ ޚިޔާލު ހޯދުމުން ދައްކާ ގޮތުގައި އެ އުމުރުފުރާގެ މީހުން ދަރިންނަށް ބަރޯސާވުން މަދުވެފައި ވެއެވެ. 1970 ގެ އަހަރުތަކުގެ ފަހުކޮޅު ތައާރަފްކުރި ކޮންމެ ޖޯޑަކަށް އެއް ކުއްޖަކު ހޯދާ ސިޔާސަތުގެ ސަބަބުން 2021 ވަނަ އަހަރާ ހަމައަށް އައިއިރު، ގޭބިސީއަކަށް ކުދިންގެ އެވްރެޖް އަދަދު 0.6 އަށް ދަށްވެފައިވެ އެވެ. މި ޚިޔާލު ހޯދުމުގައި 60 އަހަރުން މަތީގެ 130،000 އެއްހާ މީހުން ވަނީ ބައިވެރިވެފަ އެވެ. ޗައިނާގައި ދޮށީ އުމުގެ މީހުން އިތުރު ވަމުން ދިއުމާ ގުޅިގެންނާއި އެމީހުން އެހެން މީހުންނަށް ބަރޯސާ ކުރަން ޖެހުމުން، ވަޒީފާއިން މުސްކުޅިވާ އުމުރު މަތި ކުރުމުގެ ވިސްނުމެއްވެސް ތައާރަފް ކޮށްފައި ވެއެވެ.
ދޮށީ އުމުގެ މީހުންގެ ޚިޔާލު ހޯދުމުން އެނގެނީ، ނާސިން ހޯމްތަކުގައި ދިރިއުޅެން ބޭނުންވާ މީހުންގެ ތެރެއިން ގާތްގަނޑަކަށް ދެބައިކުޅަ އެއްބައި މީހުންނަށް މަހަކު 1،000 ޔުއާން (140 އެމެރިކާ ޑޮލަރު) އާއި ހަމައަށް އެތަންތަނަށް ދައްކަން ޖެހޭ މީހުން ކަމަށެވެ.
ޗައިނާގެ ބެއިޖިން އާއި ޝަންހާއީ ފަދަ ބޮޑެތި ސިޓީތަކުގައި އުމުރުން ދުވަސްވީ މީހުން ބަލަހައްޓާ ގިނަ ތަންތަނަކީ އަގު ބޮޑު އާދައިގެ މީހުން އަތްފޯރާ ވަރަށް ވުރެން އަގު ބޮޑު ތަންތަނެވެ. އެތަންތަނަށް މަހަކު 5،000 ޔުއާނަށް ވުރެ ގިނަ އިން ދައްކަން ޖެހެއެވެ.
