ދެކުނު ކޮރެއާގެ ފަލަ ބަލާ މީހުންނަކީ ކުރިން ސޯލްގެ ވަކި ސަރަހައްދެއްގައި ފިހާރަ ހުޅުވައިގެން އުޅުނު ބަޔެކެވެ. މިހާރު މިމީހުންގެ ވިޔަފާރި ޚިދުމަތް އޮންލައިންކޮށް ދޭން ފަށައިފިއެވެ.
ދެކުނު ކޮރެއާގައި ފާލަ ބައްލަން ބޭނުންވާ ބަޔަކީ ޒުވާނުންނެވެ. ވީހާއި ތިރީހުގެ އަހަރުތަކުގެ ޒުވާނުން އަހަން ބޭނުންވަނީ އެމީހުންގެ ލޯބީގެ ދިރިއުޅުމާއި މީހަކާއި އިނދެވޭނެ ތާރީޚަކާއި ވަޒީފާގެ ކުރިއެރުން ލިބޭނެ ދުވަހަކާ ބެހޭ ގޮތުންނެވެ.
ފަލަ ބަލާ މީހުން ވަނީ އިޝްތިހާރު ކުރުމަށްޓަކައި ޔޫޓިއުބާއި ޓިކްޓޮކްގައި ހިލޭ ޕްރޮމޯޝަނަލް ސެޝަންތައްވެސް ބާއްވާފައެވެ.
އޭގައި އެމީހުންނާ ސުއާލާއި ޖަވާބު ސެޝަންތައް ހިމެނެއެވެ. އަދި އިސްކިރީނުގައި އެމީހުންގެ ނަންބަރުތައް ދައްކާފައި ބަހައްޓައެވެ.
ފާލަބަލައިދޭ އެޕެއް ވެސް ކޮރެއާގައި ތައާރަފް ކޮށްފައި ވެއެވެ. 2022 މާޗްގައި ތައާރަފް ކުރުމުން އެ އެޕްގައި 5 ލައްކައަށް ވުރެންގިނަ މީހުން ބައިވެރިވިއެވެ. މިހާރު އިޝްތިރާކު ދައްކާފައިވާ މީހުންގެ އަދަދު 1.2 މިލިއަނަށް އަރައެވެ.
ދެކުނު ކޮރެއާގައި ފާލަ ބަލައިދޭ މީހުންގެ ވިޔަފާރި ރަޖިސްޓްރީ ކުރަން ޖެހެއެވެ.
ކޮން ފާލަ އެއް. ފާލު