ޔޫކޭގެ ދަ ޓައިމްސްއާ ޙަވާލާދީ އިޒްރޭލު މިޑިއާއިން ރިޕޯޓު ކޮށްފައިވާ ގޮތުގައި އެމެރިކާއާއި އިޒްރޭލުގެ އީރާނަށް ހަމަލަ ދިނުމުގެ ރޭވުންތައް މީސްމީޑިއާގައި ފާއްދާލުމުން މިހާރު ޙަމަލާ ދިނުން ވަނީ ލަސްކޮށްފައެވެ.
ނަން ހާމަނުކޮށް ރިޕޯޓު ކުރަމުން އެނޫހުން ބުނެފައި ވަނީ ޒަޔަނިސްޓުން މިހާރު ބަދީލީ ޕްލޭނަކަށް މަސައްކަތް ކުރަމުންދާ ކަމަށެވެ.
"ޔަގީނުންވެސް ބަދަލު ހިފާނެ. އެކަމަކު މިހާރު ލަސްވެދާނެ" މަސްދަރާ ޙަވާލާ ދީ ބުނެފައި ވެއެވެ.
ހަލި ނޫހުން ދެކޭ ގޮތުގައި، މި ރިޕޯޓަކީވެސް އިޒްރޭލުގެ ޕްރޮޕެގެންޑާއަކަށް ވެދާނެއެވެ. އެމެރިކާގެ ރިއާސީ އިންތިޚާބު ބޯމަތިވެފައި އޮތުމާއެކު ޒަޔަނިސްޓު ބައިޑެން ވަނީ އޭނާގެ ޕާޓިއަށް ރިއާސީ އިންތިޚާބުގައި އުނިކަމެއް ނާންނަފަދަ ގޮތަކަށް ޅައެއްޗެއް ނޭޅުމަށް ނަތަންޔާހޫއަށް އަންގާފައެވެ.
އަނެއް ކޮޅުން ޓްރަމްޕް ދަނީ އޭނާއާއި ނަތަންޔާހޫގެ ގާތްކަމާއި ދެމީހުން ވެރިކަމުގައި ކޮންމެ ދުވަހަކު ފޯނުން ގުޅައި ހަދާކަމަށް ބުނެ ފޮނިކަނޑަމުންނެވެ. އަދި ބައެއް ސްޓޭޓްތަކުގައި ކެންޑިޑޭޓް ހެރިސްއަށް ވުރެން ކެންޑިޑޭޓް ޓްރަމްޕް އުޅެނީ ދެތިން ޕޮއިންޓެއް ކުރީގައެވެ. މިއީވެސް ޒަޔަނިސްޓް ބައިޑެންއަށް ނުތަނަވަސްކަމެއް މެދުވެރިވާނެ ކަމެކެވެ.
