އެމެރިކާ އަޑީގައި އޮވެގެން ޒަޔަނިސްޓު އިޒްރޭލު ލައްވައި އީރާނަށް ހަމަލަ ދޭން އުޅޭކަމުގެ ތަފްސީލު މީޑިއާއަށް ފާއްދާލީ އީރާނު ދަރިކޮޅުގެ މީހަކު ކަމަށް ޒަޔަނިސްޓުން ވަނީ ތުހުމަތުކޮށްފައެވެ. ފިތުނަ އުފެއްދުމުގައި ތާރީޚު ހެކިދޭ މާސްޓަރުންކަމަށްވާ ޔަހޫދީންގެ މީޑިއާއިން ބުނަނީ މި ވާހަކަތައް ފާއްދާލީ އަރިއާން ތަބާޠުބާއީ ކަމަށެވެ. ތަބާޠުބާއީ އަކީ، އެމެރިކާގެ ދިފާއީ ވުޒާރާގެ އިސް މަސްއޫލުވެރިއެކެވެ.
އިޒްރޭލުގެ ވައިނެޓް މީޑިއާއާއި ސްކައި ނިއުސް އަރަބިން ރިޕޯޓުކޮށްފައިވާ ގޮތުގައި ތަބާޠުބާއި އަކީ، އެމެރިކާގެ ދިފާއީ ވަޒީރުގެ އޮފީހުގެ އިސް ސްޓާފެކެވެ.
އެމެރިކާގެ ދިފާއީ ވުޒާރާއިން ބުނެފައި ވަނީ ތަބާޠުބާއީ އެފަދަ ކަމެއް ނުކުރައްވާނެ ކަމުގެ ޔަގީންކަން ދިފާއީ ވުޒާރާއަށް އޮތް ކަމަށެވެ.
ދިފާއީ ވުޒާރާގެ ތަރުޖުމާން ޕެޓްރިކް ރައިޑަރ އާ ސުއާލުކުރުމުން އޭނާ ވަނީ ތަބާޠުބާއީގެ ތަހުގީގެއް ނުހިންގާކަމަށްވެސް ވިދާޅުވެފައެވެ.
