ޒަޔަނިސްޓުންގެ ބުޗަރުން ކަމަށްވާ، ނަތަންޔާހޫއާއި ގަލަންޓު ހައްޔަރުކުރުމުގެ އަމުރު ނެރުމަށް އިންޓަރނޭޝަނަލް ކްރިމިނަލް ކޯޓުގެ ޕްރޮސެކިއުޓަރު ކަރީމް ޚާން މަސައްކަތް ކުރެއްވީ، އޭނާ އަންހެން ކުއްޖަކަށް ގޯނާ ކުރެއްވި މައްސަލައެއް އޮއްބާލުމަށް ކަމަށް ބުނެ ޔަހޫދީން ޕްރޮޕެގެންޑާ ކުރަން ފަށައިފިއެވެ. ޒަޔަނިސްޓު ޔަހޫދީންނަށް ޕްރޮޕެގެންޑާ ކޮށްދޭ ވޯލްސްޓްރީޓް ޖާނަލްއިން ބުނަނީ ޔަހޫދީ މުޖުރިމު ގާތިލުން ހައްޔަރު ކުރުމަށް އަމުރަށް އެދުނީ، އަންހެން ސްޓާފެއްގެ ހާލު ބެލުމަށްކަމަށް ވިދާޅުވެ، އޭނާގެ ކޮޓަރިއަށް ޚާން ވެންނެވި މައްސަލަ ފެންމަތިވީތާ ހަފްތާއެއް ފަހުން ކަމަށެވެ.
މިފަދަ ވާހަކަތައް ޔަހޫދީންގެ ފަރާތުން އާންމު ވުމަކީ އާދައިގެ ކަމެކެވެ! ޚާންގެ ކުރިން އެމަގާމުގައި ހުންނެވި ފައްތޫ ބެންސޫދާއާ ވެސް ޔަހޫދީން ދިމާކޮށް ޖައްސާލިއެވެ.
ޖިންސީ ފަޟީހަތަކީ އިޒްރޭލުގެ ޖާސޫސީ އިދާރާގެ ޒަމާންވީ އުކުޅެކެވެ. މޮސާޑުން އެކަމަށްޓަކައި އެކިތަންތަނުން އަންހެނުން ރެކްރޫޓްކޮށްގެން ގެންގުޅެއެވެ. މިފަދަ ހާދިސާއެއްގެ އެންމެ ފަހު ސިލްސިލާއަކީ އެމެރިކާގެ ޖަލުގައި މަރާލި މޮސާޑަށް ބޮޑެތި ވިޔަފާރިވެރިންނާއި މަސްއޫލުވެރިން ހޯދައިދީ ޖާސޫސްކޮށްދީ ބްލެކް މެއިލް ކޮށްދޭން އުޅުނު ޖެފްރީ އެޕްސްޓެއިންގެ ސިއްރު ޑައިރީގެ ސިލްސިލާއެވެ.
