އދން ފަލަސްޠީނަށް ހަމަޖައްސާފައިވާ ސްޕެޝަލް ރެޕަޓުއާ ފްރެންޗެސްކާ އަލްބެނީޒްއާ ދެކޮޅަށް ޒަޔަނިސްޓު ޔަހޫދީން މައްސަލަޖައްސައި އޭނާ ބްލެކްމެއިލް ކުރުމަށް މަސައްކަތް ފަށައިފިއެވެ.
އަލްބެނީޒަކީ، ޣައްޒާގައި ޒަޔަނިސްޓު ނެޕީ ފޯސްއިން ހިންގާ ވަހުޝީ ހަނގުރާމައިގެ އަމަލުތަކަކީ ހިނގުރާމައިގެ ޖަރީމާތަކެއް ކަމަށް ސިފަ ކުރައްވައި ޔަހޫދީންގެ ހޮލޮކޯސްޓު ބޭޒާރު ކުރެއްވުމަށް ކޮންމެ ދުވަހަކު މަސައްކަތް ކުރައްވާ ފަރާތެކެވެ.
ޔަހޫދީން ވާގިވެރިގެން އިޒްރޭލުގެ ދިފާއުގައި އުފައްދާފައިވާ އެންޖީއޯ، ޔޫއެން ވޮޗްއިން ވަނީ އަލްބެނީޒާ ދެކޮޅަށް 60 ސަފްހާގެ ރިޕޯޓެއް އުފައްދާފައެވެ. އެ ރިޕޯޓުގައި "ޑިމޮކްރެޓިކް" ގައުމުތަކަށް ގޮވާލާފައި ވަނީ އަލްބެނީޒާ ދެކޮޅަށް ފިޔަވަޅު އަޅައި އޭނާ މަގާމުން ވަކި ކުރާށެވެ.
ޔޫއެން ވޮޗްއިން އަލްބެނީޒް ސިފަކޮށްފައި ވަނީ ޔަހޫދީ ނަސްލާ ދެކޮޅުވެރިއެއް ކަމަށެވެ. އެއީ އިޒްރޭލުގެ ޒަޔަނިސްޓު ވަހުޝީ އަމަލުތައް ބޭޒާރުކޮށްލައި ޒަޔަނިސްޓުންނާ ދެކޮޅަށް ވާހަކަ ދައްކާ ކޮންމެ މީހަކާ ދެކޮޅަށް ޒަޔަނިސްޓުން ބޭނުން ކުރާ ސިފައެކެވެ.
