މި ޖޯޑަކީ، އެމެރިކާގެ ކޮލޮރާޑޯގައި މަރުވެފައިވާ މީހުން އަންދަން ބޭނުން ކުރާ އަވަނެއް ހިންގާ ބަޔެކެވެ. އާއިލާގެ މީހުން އެމީހުންގެ މައްޔިތުން މިމީހުންނާ ގެނަސް ހަވާލު ކުރަނީ އަންދާލާށެވެ.
ކޯވިޑްގައި މަރުވާ މީހުން އިތުރު ވުމުން، މީހުން އަންދާ ތަންތަނުގެ ވިޔަފާރި ތިޔާގި ވެގެން ދިޔައެވެ. ޚަރަދުތައް ފޫބެއް ދުމަށް އެމެރިކާ ސަރުކާރުން މީހުން އަންދާ ތަންތަނަށް މާލީ އެހީ ދޭން ފެށިއެވެ.
މި ދެމީހުން އޮޕަރޭޓް ކުރާ އަވަނުގައި މީހުން އެންދުމަށް މިމީހުންނަށް 9 ލައްކަ ޑޮލަރުގެ އެހީއެއް ލިބުނެވެ. އެފައިސާއިން ދެ މީހުން އުޅެން ފެށީ ފެންވަރު މަތީ ދިރިއުޅުމެކެވެ.
މައްޔިތުން އަންދަން ވަގުތު ނުވެގެން މިމީހުން ވަނީ ގަބުރުތައް މަތިމައްޗަށް ޖަހާފައެވެ. ގަބުރުތައް ކުނިކޮށްގެން މިމީހުންގެ މައްޗަށް ދައުވާ ކޮށްފައި ވަނީ އަންދަން ގެނަސް ހަވާލުކޮށްފައިވާ މީހުންގެ ގަބުރުން ފައިދާ ނަގައިގެން މަކަރާއި ހީލަތް ހެދިކަމުގެ ތުހުމަތުގައެވެ. އެކި ކޯޓުތަކުގައި ހިނގަމުންދާ ދައުވާތަކަށް ބަލާއިރު 200 އަށްވުރެން ގިނަ ދައުވާތައް މިމީހުންނާ ދެކޮޅަށް އުފުލާފައިވެއެވެ.
މިމީހުންނަށް ހުކުމެއް އަންނާނެ ނަމަ، އެއް ޝަރީއަތަކުންވެސް 15 އަހަރުގެ މުއްދަތެއް ލިބިދާނެ ކަމަށް ބެލެވެއެވެ.
މިމީހުންގެ "ރިޓާން ޓު ދަ ނޭޗަރ" ވިޔަފާރި އަވަނަށް، އަންދާލުމަށް ހަވާލު ކުރި 190 ގަބުރެއް އަންދާނުލައި ކުނިވާން ދޫކޮށްލި ކަމުގެ ދައުވާވެސް އުފުލާފައި ވެއެވެ. ކަސްޓަމަރުންނަށް އެމީހުންގެ މައްޔިތުން އަންދާލިކަމަށް ބުނެ ފޭކް އަޅި ފޮނުވާފައިވާ ކަމުގެ ދައުވާވެސް އުފުލާފައި ވެއެވެ.
