އެމެރިކާ އިން ހަތިޔާރު ދީގެން ޒަޔަނިސްޓް ނެޕީ ފޯސްލައްވައި ޣައްޒާގައި ފަލަސްޠީނު މީހުންގެ ޤަތުލުއާންމުތައް ހިންގަމުން ގެންދަނީ ދުނިޔެއިން އެކަމަށް ހިތްވަރު ދީ، ބޮޑު ވަރިހަމައިގައި އޮތުމުން ކަމަށް ސޭވް ދަ ޗިލްޑްރެން ޖަމުއިއްޔާއިން ބުނެފިއެވެ.
ސޭވް ދަ ޗިލްޑްރަންސްގެ އެގްޒެކްޓިވް ޑިރެކްޓަރ އެލެގްޒެންޑްރާ ސައިހް ވިދާޅުވީ ޣައްޒާގެ ކުޑަކުދިންނަށް ދިމާވެފައިވާ ހާލަތަކީ މިހާރު ބޮޑު ކާރިސާއެއް ކަމަށެވެ.
ޣައްޒާގައި ތިބި ސޭވް ދަ ޗިލްޑްރަންސްގެ މުވައްޒަފުންގެ ރިޕޯޓްތަކުގައި ބުނެފައި ވަނީ، އިޒްރޭލު ހަމަލަތަކާއި ބޮން ގޮއްވުމުން، އަތްފައި ގެއްލިފައިވާ ކުދިންނަށް މިހާރު ދެވޭ ފަރުވާއަކީ، ތަދު ކަނޑުވުމަށް ދެވޭ ފަރުވާ އެކަނި ކަމަށެވެ.
ޣައްޒާއިން ކޮންމެ ދުވަހަކު ފެންނަމުންދާ ގިނަ އަދަދަކަށް އާންމު ރައްޔިތުން ކަތިލުން ޖަސްޓިފައި ނުކުރެވޭނެ ކަމުގައި ސޭވް ދަ ޗިލްޑްރެންއިން ބުނެއެވެ. އަދި އެއީ އަސްކަރީ ގޮތުން ކުރާ މަސައްކަތެއް ނޫން ކަމުގައިވެސް ސައިހް ވިދާޅުވިއެވެ.
ޣައްޒާގެ ސްކޫލްތަކަށް ދޭ ހަމަލާތައް ބައިނަލްއަގްވާމީ މުޖުތަމައުން ބީރުކަންފަތެއް ދީފައިވާ ކަމުގައި އޭނާވިދާޅުވިއެވެ.
"އަޅުގަނޑުމެންނަށް ފެންނަނީ އިޒްރޭލު ސިފައިން ޣައްޒާގައި ބޯހިޔާ ވަހިކަމަށް ބޭނުން ކުރާ ސްކޫލްތަކަށް މިހާރު ގަވާއިދުން ހަމަލާދޭތަން" އޭނާ ވިދާޅުވިއެވެ. އަދި ބައިނަލްއަގްވާމީ މުޖުތަމައުން އިޒްރޭލާ ދެކޮޅަށް ފިޔަވަޅެއް ނާޅައި، އަދި ފިޔަވަޅު އެޅުމަށް ދެކޮޅު ހެދުމުން، އެމީހުން ހަމަލަ ދިނުން ނޯމަލައިޒް ކޮށްފިކަމުގައިވެސް އޭނާ ވިދާޅުވި އެވެ.
"ޣައްޒާގެ ހާލަތު މިހާރު މިއޮތީ ކުރިއަށްވުރެ ބޮޑަށް ހީނަރުވެފައި" އޭނާ ވިދާޅުވިއެވެ.
