އެމެރިކާގެ ބޮކްސިން ތަރި، މުހައްމަދު އަލީގެ ކުރީގެ އަނބިކަނބަލުން އަފްޣާނިސްތާންގައި ސްޓޭޑިއަމެއް އެޅުމަށް ތާލިބާނާ މަޝްވަރާ ކުރެއްވުމަށް ކާބުލްއަށް ވަޑައިގެންފިއެވެ.
ތާލިބާން ސަރުކާރުގެ ސްޕޯޓްސް ޑިރެކްޓަރޭޓްގެ ވެރިޔާ އަހުމަދުالله ވަސީޤު މީޑއާއަށް މަޢުލޫމާތު ދެއްވަމުން، ވިދާޅުވީ މުހައްމަދު އަލީ ކްލޭގެ ހުވަފަތް އަނބިކަނބަލުން، ޚަލީލާ ކަމަޗޯ ޢަލީ ކާބުލްއަށް ވަޑައިގެންފައިވާ ކަމަށެވެ. މުހައްމަދު ޢަލީ، ޚަލީލާއާ ކައިވެނި ބައްލަވައިގެން އުޅުއްވީ 1967 ވަނަ އަހަރުން ފެށިގެން ނެވެ. ޚަލީލާވެސް އިސްލާމްވެ ވަޑައިގަތީ މުޙައްމަދު ޢަލީއާ ކައިވެނި ބައްލަވައިގަތް ފަހުންނެވެ.
ވަސީޤު ވިދާޅުވިގޮތުގައި، ޚަލީލާ ބޭނުންފުޅުވަނީ މުހައްމަދު އަލީގެ ނަމުގައި ސްޓޭޑިއަމަކާއި ކުޅިވަރު ޖަމިއްޔާއެއް ހަދާށެވެ.
މުޙައްމަދު ޢަލީ ފުރަތަމަ ފަހަރަށް އަފްޣާނިސްތާނަށް ޒިޔާރަތް ކުރެއްވީ އެމެރިކާ ސިފައިން ދިން އުދުވާނީ ހަމަލާގައި ޠާލިބާންގެ ސަރުކާރު ވައްޓާލިތާ އެއް އަހަރުފަހުން، 2002ގައެވެ.
ސްޓޭޑިއަމަކީ، ތާލިބާންގެ ފުރަތަމަ ވެރިކަމުގައި އާންމުކޮށް މީހުން ދަންޖެއްސުމަށް ބޭނުން ކުރި ތަންތަނެވެ.
ޚަލީލާއަކީ މާޝަލްއާޓްސްގެ ޗެމްޕިއަނެކެވެ. އަދި ލިޔުންތެރިއެއްވެސް މެއެވެ. އަފްޣާނިސްތާންގެ އަންހެނުންގެ ހައްޤާ ބެހޭ ގޮތުން އޭނާ ޠާލިބާނާ ވާހަކަ ދެއްކެވި ކަމެއް ރިޕޯޓުކޮށްފައެއް ނުވެއެވެ.
މުޙައްމަދު ޢަލީ އަވަހާރަވީ 2016 ވަނަ އަރުއެވެ.
