މުކޭޝް އަމްބާނީގެ ރިލަޔަންސް އާއި އެމެރިކާގެ އާޓިފިޝަލް އިންޓެލިޖެންސް ކޮމްޕިއުޓިންގެ ދާއިރާއިން ކުރިއަރާފައިވާ ކުންފުންޏެއް ކަމަށްވާ އެންވީޑިއާ އިން އިންޑިއާގައި އޭއައި ނޫނީ މަބްގެ އިންފްރާސްޓްރަކްޗާ ބިނާކުރުމަށް ގުޅިގެން މަސައްކަތް ކުރާނެ ކަން އިއުލާންކޮށްފި އެވެ.
ދެފަރާތުން މިކަން އިއުލާން ކޮށްފައި ވަނީ ބުރާސްފަތިދުވަހު، އެންވީޑިއާ އޭއައި ސަމިޓް 2024 ގައެވެ. ދެފަރާތުން އެކަން އިއުލާން ކުރީ ރިލަމެންސްގެ މުކޭޝް އަމްބާނީއާއި އެންވީޑިއާގެ ސީއީއޯ ޖެންސެން ހޫއާންގް ގެ ހާޒިރުގައެވެ.
އެންވީޑިއާ އޭއައި ސަމިޓަކީ، އެންވީޑިއާއިން އިންޑިއާގައި އިންތިޒާމު ކުރި ފުރަތަމަ ސަމިޓެވެ.
މުކޭޝް އަމްބާނީ ވިދާޅުވީ އިންޑިއާއަކީ އިޓެލިޖެންސް ކޮމްޕިއުޓިންގައި މުސްތަގްބަލެއް އޮތް ޤައުމެއް ކަމަށެވެ. އަދި އިންޑިއާގެ ޒުވާން ޓެކް ފަންނީ މީހުންނަކީ މި ސިނާއަތް ކުރިއަށް ގެންދިއުމަށް ފަހިކޮށްދޭނެ އިންސާނީ ހަކަތަ ކަމުގައިވެސް އޭނާ ވިދާޅުވިއެވެ.
