އެމެރިކާއިން ހަތިޔާރު ދީގެން އިޒްރޭލު މެދުވެރިކޮށް، މެދުއިރުމަތީގައި ހިންގާ ޕްރޮކްސީ ހަނގުރާމައިގައި، ޙިޒުބުﷲއަށް މިއަދަކީ ކާމިޔާބު ދުވަހެކެވެ. ޙިޒުބުﷲ އިން ބުނާ ގޮތުގައި ދެކުނު ލުބުނާންގައި ޙިޒުބުﷲ އިން ދަނީ ޒަޔަނިސްޓް ނެޕީ ފޯސްއާ ދެކޮޅަށް ފަސް މައިދާނުގައި ކުރިމަތި ލަމުންނެވެ.
ޙިޒުބުﷲއިން ޒަޔަނިސްޓް ނެޕީ ފޯސްގެ 5 އޮފިސަރުން މާރާލާފައި ވެއެވެ.
ޒަޔަނިސްޓުންވެސް ވަނީ އެކަން ކަށަވަރުކޮށްދީފައެވެ. އޭގެ އިތުރުން އެއް ދޮޅަސް ޒަޔަނިސްޓު ޓެރަރިސްޓް ސިފައިން ނުކުޅައްދާފައިވާ ކަމަށްވެސް ޙިޒުބުﷲ އިން ބުނެއެވެ.
ޙިޒުބުﷲ އިން ޝިކާރަކުރި މީހުންގެ ތެރޭގައި 89 ވަނަ ބެޓޭލިއަންގެ ޑެޕިއުޓީ ކޮމާންޑަރ އޮފިސަރު ޑޭން މައޯރީ އާއި އޮފިސަރު އެލޮން ސަފްރައިވެސް ހިމެނޭ ކަމަށް ބުނެފައި ވެއެވެ.
އޭގެ އިތުރުން، 8 ވަނަ އާމަރޑް ބްރިގޭޑްގެ އިސް ބަޔަކުވެސް ހިމެނެއެވެ.
ޙިޒުބުﷲއާއި ޒަޔަނިސްޓް މީޑިއާގެ ރިޕޯޓުތަކުން އެނގެނީ، ނުކުޅުއްދާލި މީހުންގެ އަދަދު 19އަށް އަރާ ކަމަށެވެ.
މިއަދު ހުކުރުގެ ފަހުން ދިން ހަމަލާގައިވެސް ދެ އޮފިސަރަކާއި ސިފައިންގެ އިތުރު 5 މީހަކު މަރުވި ކަމަށްވެސް ބުނެފައި ވެއެވެ.
މި ޙަމަލަތަކުގެ އިތުރުން ޙިޒުބުﷲ އިން ވަނީ ކާމިޔާބު ކަމާއެކު ޒަޔަނިސްޓުންގެ މަރުކަޒުތަކަށް މިސައިލްތައްވެސް އޮއްސާލާފައެވެ.
