111 ކިލޯ (244 ޕައުންޑް) އަށް ވުރެ ގިނަ ހެރޮއިން އެތެރެކުރި ކަމަށް އިއުތިރާފުވުމުން ޕާކިސްތާންގެ 10 ފިރިހެނަކު އުމުރަށް ޖަލަށްލުމަށް ސްރީލަންކާގެ ކޯޓަކުން ހުކުމްކޮށްފި އެވެ.
މި މީހުންނަކީ 2016 ވަނަ އަހަރުގެ އޭޕްރީލް މަހު ސްރީލަންކާގެ ކަނޑުގެ ސަރަހައްދުން އީރާނުގެ އުޅަނދެއްގައި މަސްތުވާތަކެތި ގެންދަނިކޮށް ހައްޔަރުކުރި 17 މީހުންގެ ތެރޭގައި ހިމެނޭ މީހުން ކަމަށް ފުލުހުން ބުނެއެވެ.
ފުލުހުން ނެރުނު ބަޔާނެއްގައި ބުނެފައިވަނީ ނެގޮމްބޯގެ ހައިކޯޓުން އަނެއް ހަތް މީހުންނާ ގުޅޭ އިތުރު އަޑުއެހުމެއް އަންނަ މަހަށް ތާވަލްކޮށްފައިވާ ކަމަށެވެ.
އެ ހަތް މީހުންގެ ތެރޭގައި ހިމެނެނީ ސްރީލަންކާގެ ތިން މީހުންނާއި ޕާކިސްތާނުގެ ދެ މީހުންނާއި އިންޑިއާ މީހަކާއި ސިންގަޕޫރުގެ މީހެއް ކަމަށް ވެސް ބަޔާނުގައި އިތުރަށް ބުނެފައިވެ އެވެ.
ބުދަ ދުވަހުގެ ހުކުމް އިއްވާފައިވާ ގްރޫޕަކީ، ސްރީލަންކާގައި މަސްތުވާތަކެތި އެތެރެކުރުމުގެ ކުށުގައި ޖަލަށްލާ ބިދޭސީންގެ އެންމެ ބޮޑު ގްރޫޕެވެ.
ލަންކާގެ އައްސޭރިފަށުން ގިނަ އަދަދަކަށް ހެރޮއިން އަތުލައިގަތުމުން ދޭހަވަނީ ކޮލަމްބޯ އަކީ ދުރު އިރުމައްޗަށް މަސްތުވާތަކެތި ރިއެކްސްޕޯޓުގެ ޓްރާންސިޓް ހަބެއްގެ ގޮތުގައި ބޭނުން ކުރަމުންދާ މަރުކަޒެއް ކަމަށެވެ.
