ބްރިކްސް ޖަމާއަތުން ޑޮލަރު ނޫން ގޮތެއް ހޯދަން އުޅޭތީ ޔޫރަޕިއަން ސެންޓްރަލް ބޭންކުން ނުތަވަސްކަން ފާޅުކޮށްފިއެވެ. އެޓްލާންޓިކް ކައުންސިލްގެ ބައްދަލުވުމުގައި، ވާހަކަ ދައްކަވަމުން، ޔޫރަޕިއަން ސެންޓްރަލް ބޭންކުގެ ރައީސް ކްރިސްޓީން ލަގާޑޭ ވިދާޅުވަނީ ރަޝިޔާއާއި ޗައިނާއިން ޑޮލަރު ވަޅުލަން އުޅޭ މައްސަލައަށް ސަމާލުވެ އެކަމަށް ފާރަވެރިވާން ޖެހޭނެ ކަމަށެވެ. އަދި އޭނާ ވަނީ ޔޫރޯ ގެ ދިފާއުގައިވެސް ވާހަކަ ދައްކަވާފައެވެ.
"ޗައިނާ އާއި ރަޝިޔާ އިން އެހެން ފައިސާތަކަށް ބާރު ފޯރުވަން މަސައްކަތް ކުރާނެ،" އެޓްލާންޓިކް ކައުންސިލްގައި ވާހަކަ ދައްކަވަމުން، ލަގާޑޭ ވިދާޅުވި އެވެ. އަދި އޭނާ ވިދާޅުވީ ޗައިނާގެ ރެންމިންބީ އަކީ ޔޫރޯއަށް އޮތް ނުރައްކަލެއް ކަމަށާއި އެކަމަށް ޔޫރަޕްގެ ޒޯންގެ މީހުން ސަމާލުވާން ޖެހޭނެ ކަމުގައެވެ.
