މަހަކަށް ވުރެން ގިނަ ދުވަސްވަންދެން ނުހުއްޓި ކިނބިހި އެޅުމުގައި އުޅުނު ތުރުކީގެ ޒުވާނާގެ ބަލި ރަނގަޅު ވެއްޖެއެވެ. ބެޓްމަން ސިޓީގައި ދިރިއުޅޭ ބޭނަޒީރު އައިދީން، ހުއްޓާނުލައި ކިނބި އަޅަމުން ދިއުމުން ޑޮކްޓަރުން ހައިރާން ކޮށްލިއެވެ. އޭނާގެ ސިޓީގެ ހަސްފަތާލުން ފަރުވާ ދިނުމަށް ޑޮކްޓަރުން ނުކުޅެދުމުން ފަހުން އޭނާ ވަނީ ފަރުވާއަށް އަންކަރާއަށް ގެނަސްފައެވެ.
އަންކާރާގައި ނިއުރޯލޮޖީ، ސައިކިއޭޓްރީ، ކަންފަތް، ނޭފަތް އަދި ކަރުން މަތީގެ ޑިޕާޓްމަންޓްތަކާއި އިމިއުނޮލޮޖީ އަދި އެލާޖީ، އިންޓަރނަލް މެޑިސިންގެ ދާއިރާގެ ޑޮކްޓަރުން ގުޅިގެން އޭނާގެ ބަލި ދިރާސާ ކުރިއެވެ.
ތަފާތު ގިނަ ޓެސްޓްތައް ހެދުމަށްފަހު އެންމެ ފަހުން އެނގުނީ، އޭނާގެ މޫނުގައި ހުންނަ ނާރު ނެޓްވޯކްގެ ނާރުތައް ދުޅަވެފައިވާ ކަމަށެވެ. އަދި އެކަމަށް ފަރުވާ ދިނުމުން ކިނބި އެޅުން ހުއްޓުނީ އެވެ.
އޭނާގެ މޫނުގައި ހަލާކުވެފައިވާ ނާރުތައް ރަނގަޅުކުރުމަށް ޚާއްސަ އިންޖެކްޝަންވެސް ދީފައި ވެއެވެ.
ކިނބިހި އަޅާ ބޭނަޒީރު ވަނީ ކިނބިހި އެޅުމުގައި 35 ދުވަހުގެ ތަކުލީފެއްގައި އުޅެފައެވެ. ނިޢުމަތަށް ޝުކުރުވެރިވާށެވެ!
ކިނބިއްސެއް އަޅާއިރު الحمد لله ކިޔާށެވެ!
