ސަހްޔޫނީ އިޒްރޭލުން 100 ފައިޓަޖެޓް ބޭނުން ކޮށްގެން އިރާނަށް ހަމަލާދޭން ފަށައިފިއެވެ.
ހަމަލާ ދެމުން ދަނީ އިރާނުގެ ވެރިރަށް ތެހްރާނަށެވެ.
އިރާނަށް ހަމަލާ ދިނުމުގެ ކުރިން އެމެރިކާއިން ވަނީ އިޒްރޭލުގެ ދިފާއުގައި "ތާޑް ސިސްޓަމް" އިޒްރޭލުގައި އޮޕަރޭޓްކޮށް ހައިއެލާޓަށް ގެނެސްފައެވެ.
އިރާނަށް ހަމަލާ ދިނުމުގެ ކުރިން ސަހްޔޫނީ އިޒްރޭލުގެ ހައްދުފަހަނައެޅި ބޮޑުވަޒީރު ބެންޔަމިން ނަތަންޔާހޫ ވަނީ ބިންގަރާހަށް ވަދެ ފިލާފައެވެ.
8:00: އިރާނުގެ މަސްއޫލުވެރިންނާ ހަވާލާދީ ރަޝިޔާގެ ސަރުކާރު މީޑިޔާ "ޓާސް" އިން ރިޕޯޓް ކޮށްފައިވާ ގޮތުގައި އިޒްރޭލުގެ އެއްވެސް ހަމަލާއެއް އިރާނުގެ ނިއުކްލިއަރ އެއްވެސް ފެސިލިޓީއަކަށް އަދި ހަކަތައާ ގުޅޭ އެހެން އިންފްރާސްޓްރަކްޗަރއަކަށްވެސް އަމާޒުވެފައެއް ނުވޭ.
8:00 ތެހްރާން ޓައިމްސް: އާންމު އެހެން ދުވަސްތަކެކޭ އެއްގޮތަށް މިއަދުވެސް ތެހްރާނުގެ މަސައްކަތް ތެރިން ދަނީ މަސައްކަތަށް ނިކުންނަމުން.
